Kuliviki uNtungamili Nkomo uqhubeka ekhangela udaba lwendlala elokhu isidla ubhedu ezabelweni ezitshiyeneyo zeZimbabwe. Ukusilela kwezulu lonyaka yikho kokunye okubikwa kwenze indlala yasabalala ngelizwe.
Lanxa uhulumende elohlelo lokukweledisa abalambayo ukudla okuvela olweGrain Marketing Board, inengi likhala ngokuthi lokhukudla kunikwa abasekeli beZanu PF kuphela.
Indawo ezibhekane lendlala ukwedlula zonke zigoqela iMatabeleland North leSouth, Midlands, Masvingo lezinye.
UNtungamili Nkomo oweStudio 7 uxoxe lommeli weTsholotsho South edale lephalamende uMnu Maxwell Dube yena othi isabelo sakhe sibhekane lendlala emangalisayo kanye lokusilela kwamanzi.
Lalela ingxoxo yethu loDube kuhlelo Liphuma Lendaba, Litshone Lendaba.
Nxa kukhona ofuna sikuhlafune kuloluhlelo, thumela i e-mail kukheli ethi studio7@voanews.com.
