amalinks wokungena

Breaking News

Liphose Lakha Phansi Iqembu leAston Villa


Anthony uyise womdlali odabuka eZimbabwe odlalela iAston Villar, u

Iqembu le Aston Villa liphutshe imidlalo yalonyaka lihlezi endaweni yesine nxa usuka emsileni wengalane lilemiklomelo engamatshumi amathathu lanhlanu ngemva kokuba libe ngutshiki lobhanqa 1 ka 1 leqembu le West Ham.

Inengi labalandeli bomdlalo wenguqu kwele Zimbabwe bebewulandela lumdlalo ngoba iqembu le Aston Villa lidlalelwa ngumdlali odabuka kwele Zimbabwe uMarvelous Nakamba njalo uyise walumdlali uAntony uthi bathabe baba manzi ekupheleni kwawo.

“Sijabule kakhulu ngokusinda kweqembu le Aston Villa asilalanga size salala ekuseni. Ngixoxe lo Marve labanye bakhe adlala labo okwesikhathi eside wonke umuntu ejabulile. Kube yisimanga ngoba besingacabangeli ukuthi iqembu leli lingasinda yikho nje sijabule sifile silapha,” kutsho uNakamba.

Amaqembu amathathu agunyulwe esigabeni seEnglish Premier League ngabalisa ele Norwich, ele Watford kanye lele Bournemouth.

Iqembu le Aston Villa like ladlala okweminyaka ethile kusigaba esiphansi khonale kweleNgilandi njalo uAntony uthi uMarvelous uthembise ukuba ngomnyaka ozayo bazadlalela kude lasemsileni wengalane.

“UMarve ujabule kakhulu ukuba basinde ekugunyulweni ngoba uthi selokhu wayadlala phetsheya kolwandle emazweni abalisa ele Netherlands, ele France kanye lase Belgium, kwele Ngilandi yikho lapho abhekane lobunzima obukhulu. Uthembise ukuba ngomnyaka ozayo bazaqhuba kuhle ngoba sebekwazi okudingakalayo njalo bazabe bengasayesabi amanye amaqembu,” kutsho uNakamba.

Iqembu le Liverpool yilo eliphakamise isicoco kwele Ngilandi kuthi amanye amaqembu azaphatheka kumncintiswano we UEFA Champions League ngabalisa ele Manchester City, lona eliqede lisendaweni yesibili, ele Manchester United, eliqede lisendaweni yesithathu, kanye lele Chelsea, eliqede lisendaweni yesine.

Kolunye udaba olufanayo, iqembu le Yeni Malatyaspor elase Turkey, elidlalelwa ngumdlali wakwele Zimbabwe uTeenage Hadebe, ligunyulwe kuligi yaphezulu khonale kwele Turkey, ngemva kokuqeda imidlalo yalo lisendaweni yesibili nxa usuka emsileni wengalane yemiklomelo.

Bekungumnyaka walo wesithathu ukudlala kusigaba se Turkish Super League leliqembu ikanti uHadebe yena bekungumnyaka wakhe wakuqala ukudlala kuleliqembu.

Facebook Forum

XS
SM
MD
LG