amalinks wokungena

Breaking News

Liyamemetheka Igcikwane leCoronavirus Ngesikhathi Abanye Bebaleka kumaQuarantine Centres


Coronavirus
Coronavirus

Inani lalabo asebetholakale belegciwane leCoronavirus esabelweni seZansi yemaNdebeleni liqonge lisuka kumatshumi ayisitshiyagalolunye-90 ngoMgqibelo odlulileyo lisiya kwabalikhulu lamatshumi amahlanu lanye 151 izolo.

Inani lalabo asebetholakale belegciwane leCoronavirus esabelweni seZansi yemaNdebeleni liqonge lisuka kumatshumi ayisitshiyagalolunye-90 ngoMgqibelo odlulileyo lisiya kwabalikhulu lamatshumi amahlanu lanye 151 izolo.

Osekutshiye izakhamizi kulesisabelo zitshaywa luvalo yimbiko eveza ukuthi izizalwane zakuleli ezivela kwamanye amazwe ezikuma quarantine centres, lapho okuhlolwa abantu ukuthi bengabe belegcikwane leli, ziyabaleka kulezindawo ngoba zingaphathwanga kuhle okulakho ukumemethekisa iCoronavirus.

Kuyonale iviki, sebefika phose amatshumi amathathu asebebaleke kumaquarantine centres abalisa iBeitbridge, iPangani eseFilabusi kanye leSikhoveni Esigodini. Ababaleke eBeitbridge balitshumi lane, nalo bonke babikwa betholakale belegciwane leCoronavirus.

Ngabantu abakade besemajele kweleSouth Africa bengakaphindeliswa ekhaya.

UMnu. Ntando Ndlela yisakhamuzi seFilabusi njalo uthi bahlalele evalweni ngaloludaba.

Amazwi akhe asekelwe nguMnu. Mthulisi Tshabangu oyisakhamuzi seSitezi othi uhulumende kumele athathe amanyathelo aqinileyo ekulwiseni leligciwane.

UNkosikazi Sibusisiwe Mpala uthi uzulu laye kumele athathe amanyathelo okuthi azivikele kuleligciwane.

Abebutho kanye lamapholisa kubikwa besithi okudala ukuthi abantu babaleke kulezindawo yikuthi kazivalekanga kuhle njalo bona kabalazo impahla zokuzivikela okudala ukuthi kubenzima kubo ukuxotshisana lalabo ababalekayo.

Ekhuluma emhlanganweni oqhutshwe ngoLwesithathu eGwanda owokulwisana lokumemetheka kwegciwane leCoronavirus, uLieutenant Melissa Mandudye owebutho uthe okunye okudala ukuthi abantu bebaleke yikuhlanganiswa kwalabo abalegciwane labangelalo.

Uthi njalo ababalekayo bethusela abezomvikela ngokubakhwehlelela nxa bebaxotshanisa okudala ukuthi badedele emuva ngoba bengalazo impahla ezokuzivikela.

Ekhuluma emhlanganweni webandla leZANU PF owePolitburo eHarare ngoLwesihlanu, umongameli Emmerson Mnangagwa uthe sokufanele kuqiniswe imigoqo yohlelo lwelockdown kanye lezokuhlola uzulu igciwane leCoronavirus ngendlela yokwenqabela ukumemetheka kwalo elizweni.

Kusenjalo umphakathi kulesisabelo useveze imbono etshiyeneyo ngomthetho uhulumende afuna ukuwubumba owokuhlola okubhalwa nguzulu ebulenjini oweCyber Security and Data protection Bill.

UNkosazana Linda Mpofu, umqoqi wenhlelo zenhlanganiso ye Community Youth Development Trust-CYDT uthi kukhona okungaqondanga ngalumthetho.

Kodwa uMnu Malaki Nkomo olilunga lebandla leZANU PF uthi kuqondile ukuthi ubekhona lumthetho.

UMnu Albert Nguluvhe olilunga lekomidi yedale lephalamende ebona ngokuhanjiswa kwembiko uvumile ukuthi iphalamende yenze iphutha ngokubhala lumthetho ngesingisi kuphela okudale ukuthi inengi lingawuzwisisi.

please wait
Embed

No media source currently available

0:00 0:05:42 0:00


XS
SM
MD
LG