amalinks wokungena

Breaking News

Liyaqhubeka Ukuthethwa Icala likaOscar Pistorius ngoMvulo


Amapholisa acubungula udaba luka Oscar Pistorius, owetheswa icala lokubulala intombazana yakhe, u Reeva Steenkamp, ngoLwesihlanu athwaliswe nzima ngokwehluleka ukwenza umsbenzi ngokuqotho.

Igwetha lika Pistorius, uMnu. Barry Roux, utshele u Gilliam Van Rensburg, osewatshiya umsebenzi wokuba lipholisa ukuba bekungamelanga aphe ubufakazi ngoba engasoze enelise ukuphendula kuhle.

Owayenguye owayekhokhela ukucubungla loludaba, uHilton Botha, waxotshwa nyakenye kulandela imbiko ethi wehluleka ukuvikela izicathulo zakhe lapho engena okwakulesidumbu sika Steenkamp.

U Van Rensburg uvumile njalo ukuthi elinye ipholisa eliyingcwethi yokucubungula okwenzakeleyo labamba umbhobho owabulala u Steenkamp ngezandla ezingavikelwanga.

UPistorius, oyisigoka kodwa engumdlali wezokugijima ngenyawo zokuzibazela kuma Olympics wetheswa icala lokubulala ngenhloso uSteenkamp emzini wakhe, kodwa yena uthi kwaba liphutha ngoba wayecabanga ukuthi lisela elingene endlini lazivalela esambuzini.

U Van Rensburg uzaqhubeka ngokwethula ubufakazi bakhe NgoMvulo.
XS
SM
MD
LG