amalinks wokungena

Breaking News

Liyehla Inani Labazinikela Ukuhlatshwa Ijekiseni yeCovid-19 eMelika


Virus Outbreak US Surge

Lanxa uMongameli weMelika uMnu Joe Biden ekhuthaza abantu ukuthi bahlatshwe ijekiseni yeCovid-19 ngobunengi ukuze ilizwe lingene kukhefu likazibuse, ele-independence mhlaka 4 ngenyanga ezayo sokuhlatshwe abantu abayisilinganiso samatshumi ayisikhombisa ekhulwini, 70 percent, ingcwethi zithi lokhu kulakho ukungafezeki.

Isizatho yikuthi okwamanje sokuhlatshwe abantu abayisilinganisa samatshumi ayisithupha lanhlanu ekhulwini, 65 percent, kanti sebebalutshwana njalo abazinikela ukuhlatshwa kulezinsuku.

Ingcwethi zithi abantu bengekela ukuhlatshwa, umkhakha ohlasela ngamandla njalo obulala abantu abanengi oweDelta ulakho ukudala umonakalo omkhulu eMelika.

Okwamanje asebehlatshwe ijekiseni yakuqala sebesedlula izigidi ezilikhulu lasikhombisa, 177 million, kuthi asebehlatshwe eyesibili sebengu149 million, ngokutsho kweCenters for Disease Control and Prevention.

Izigaba ezihambela muva ekuhlabeni abantu zigoqela iAlabama, Arkansas, Louisiana, Mississippi, Tennessee leWyoming.

Isizalwane seZimbabwe esihlala eMelika uMnu Tim Muringai uthi izigaba lezi zihambela emuva ngoba zikhokhelwa ngabebandla eliphikisayo elamaRepublicans, lona elilamalunga amanengi angafuni kuhlatshwa.

please wait

No media source currently available

0:00 0:02:40 0:00

Facebook Forum

XS
SM
MD
LG