amalinks wokungena

Breaking News

Lokhe Esalandela Umkhuba Wokuphozisa Uzulu weZimbabwe


Kuhlelo lwamasiko lenhlalakahle yabantu, liviki sixoxa ngesiko lokuphoziswa. Inengi labantu eZimbabwe bayalilandela kakhulu isiko leli loba nje seliphela emadolobheni.

Ekadeni kade kuphoziswa ngezihlala zasendle kuthi-ke emadolobheni kunengi okusetshenziswayo nxa umuntu ephoziswa.

Ukuze sihlaziye udaba lolu, akesizwe uMnu. Thandeko Zinti Mnkandla ingcwethi kwezamasiko esintu othi kwakuvamile ukuphozisa ekadeni.

Ukuphozisa lokhu kwakusenzelwa ukuhlambuluna izisu ikakhulu ezabantwana labadala labo babephoziswa nza sokonakela. Kwakusenzelwa ukuthi nxa sisidla kwesinye isikhathi nza sihlafuna kwakungene lomoya lokunye ukudla ngokwakhokubengela ukuthi eziswini kugcwale umoya zibe mhlawumbe seziluma uzizwe zikhala kungeminye imimoya okungamelanga ibekhona.

“ … Kanti lokunye ukudla esikudlayo kulemihluzanyana eyinye etshiyeneyo engafumaniswa ukuthi kayilunganga ukuthi ihlale esiswini. Ngakho-ke kwakuthathwe uphondo kufakwe lesepa elingeneyo nje abantwana babesebephoziswa.”

Uthi ekadeni bekulezihlala esisetshenziswa ukuphozisa njalo lezo zihlahla lokhe zisetshenziswa kulezi insuku.

XS
SM
MD
LG