amalinks wokungena

Breaking News

Lokhu likhokhela Engalaneni Yemiklomelo Iqembu leFC Platinum


Iqembu lenguqu eleFC Platinum

Umqeqetshi weqembu le Chicken Inn uJoey Antipas uthi kuqakathekile ukuba bathole imiklomelo emithathu loba bengadlali kuhle ukuze baqhubeke belokhu bephufumulela entanyeni yeqembu elihlezi phezu kwengalane yemiklomelo ele FC Platinum.

Iqembu le FC Platinum lihlezi phezu kwengalane lilemiklomelo engamatshumi amathathu lanye ngemva kwemidlalo elitshumi lanhlanu njalo ngempelaviki eyedluleyo litshaye ele Chapungu nge 1 ka 0.

Endaweni yesibili kuleqembu leChicken Inn lona elinqobe ele Bulawayo Chiefs nge 2 ka nya njalo elilemiklomelo engamatshumi amabili lathoba munwe munye.

Iqembu le Chicken Inn kalidlalanga ibhola elinathisa amanzi kodwa umqeqetshi walo uJoey Antipas utshele intathelizindaba zemidlalo ukuba okuqakathekileyo yikuba bathole yonke imiklomelo yomithathu.

"Icebo lethu ngelokuthi siyale silokhu siphefumulela entanyeni yeqembu le FC Platinum yikho kuqakathekile ukuba sithole yonke imiklomelo yomithathu lalapho esiyabe singadlali kuhle khona. Okokutshiseka ngaphansi kwekhola kuvele kuhlezi kukhona emdlalweni wenguqu njalo okuqakathekileyo yikuba singakuvumeli kusiphazamisa."

Iqembu le CAPS United yilo elihlezi endaweni yesithathu lilemiklomelo engamatshumi amabili lesikhombisa njalo libe ngutshiki lobhanqa 1 ka 1 lele Dynamos ngeSonto kuthi endaweni yesine kuleqembu le Black Rhinos lona eliyale lilokhu lilemiklomelo engamatshumi amabili lane ngemva kokunqotshwa nge 1 ka nya ngele Ngezi Platinum.

Iqembu le Bulawayo Chiefs litshelele labuyela emsileni wengalane yemiklomelo ngemva kokunqotshwa kwalo ngele Chicken Inn njalo lilemiklomelo elitshumi lanye.

Endaweni yesibili nxa usuka emsileni kuleqembu le TelOne lona elinqotshwe nge 2 ka nya ngele Mushowani Stars njalo womabili lawa amaqembu alemiklomelo elitshumi lantathu kuthi endaweni yesine nxa usuka emsileni kuleqembu le Yadah elilemiklomelo elitshumi lane njalo elibe ngutshiki lobhanqa 1 ka 1 lele Harare City.

Iqembu le Highlanders liyale lilokhu lihlezi endaweni yetshumi lane njalo lilemiklomelo elitshumi lesikhombisa ngemva kokuba ngutshiki lobhanqa 1 ka 1 lele Manica Diamonds.

Sikhangele umdlalo webhola lokuqaga.

Iqembu ebelimela ilizwe le Zimbabwe kumidlalo yezizwe zomhlaba eye Vitality Netball World Cup liphutshe lisendaweni yethoba minwe mbili phakathi kwamaqembu alitshumi lesithupha aphatheke kumncintiswano walonyaka wona oqhutshelwe elizweni lase Ngilandi.

Bekungokwakuqala ukuba iqembu le Zimbabwe liphatheke kumidlalo yezizwe zomhlaba.

Iqembu le New Zealand yilo eliphakamise isicoco esokuba zintshantshu zezizwe zomhlaba ngemva kokunqoba ele Australia nge 52 ka 51 ku final.

Endaweni yesithathu kubeleqembu le England lona elinqobe ele South Africa nge 58 ka 42.

please wait

No media source currently available

0:00 0:02:19 0:00

Facebook Forum

XS
SM
MD
LG