amalinks wokungena

Breaking News

Inengi Lisola uManana weSouth Africa Ngokutshaya Isisebenzi Sakhe seZimbabwe


mduduzi manana

Akusikho kwakuqala ukuthi umnumnzana Manana azithole esebhekane lecala lokutshaya owesifazana. Nyakenye umthethwandaba umthole elecala lokutshaya abesifazana ngesikhathi benatha utshwala.

Elinye lamalunga edale lephalamende kweleSouth Africa uMnumnzana Mduduzi Manana, angalahlekelwa yisikhundla kulelidale ngemva kokutshaya isisebenzi sakhe sendlini esesifazana esidabuka eZimbabwe uNkosazana Christine Wiro.

Idale lephalamende kweleSouth Africa lithi liphakathi kokuhlolisisa insolo ezilethwe kuyo ngokuziphatha kwelunga ledale lephalamende lebandla elibusayo eleANC uMnumnzana Manana.

UManana ubikwa efuqe uNkosazana Christine Wiro kakubi emethesa umlandu wokuvulela izethekeli ukuthi zingene emzini wakhe ngaphandle kwemvumo yakhe. Lokhu akuphathanga kahle uNkosazana Wiro okwenze wayavula icala lokutshaywa enkambeni yamapholisa.

Lokhu sekudale ingxoxo mpikiswano elizweni lonke inhlanganiso ezinengi zisithi uManana kajeziswe. Ulutsha lwebandla le ANC luthi kakhutshwe ephalamende ngoba izenzo zakhe ziyayangisa.

Ibandla leDemocratic Alliance lonake lukhweze loludaba kukomiti ebona ngokuziphatha kwamalunga edale lephalamende okuyiyo esihlolisisa ngokuziphatha kukaManana.

Loludaba seluphinde lwathukuthelisa abanengi ngemva kokuthi uNkosazana Wiro ephinde wayakwesula icala abelethese uManana osekulandelwe yinkulumo yelizwi elizwakala lingelikaManana ethembisa uNkosazana Wiro ukuthi uzamnika imali ngokuhlukumezeka kwakhe.

“Ngingamnika okungamduduza ekuhlukumezekeni kwakhe. Bengatshela umphathi wamapholisa besesihlala phansi sibona senzeni. Yiyo induduzo engikhuluma ngayo. Ngithi kuye khangela mama, ngiyazi ungisebenzele amaviki amabili kuphela kodwa ngizimisele ukukupha induduzo besesiqhubeka ungisebenzela.”

Isizalwane seZimbabwe esihlala kweleSouth Africa uNkosazana Lubelihle Banda uthi uyasekela ukuthi uMnumnzana Manana ajeziswe ngoba kukhanya uyabeyisa abesifazana.

‘We have never heard a case etshaya amanye amadoda why esukela abafazi. I think this man he really needs to get helped because yi case yakhe yesibili and uhlukumeza abantu because uyakwazi ukuthi abantu labo abalamandla wokuthi bembisele. Akukapheli umnyaka etshaye umuntu usephinda futhi njalo. So ngibona ukuthi hayi lomuntu akavalelwe ejele. Asiwafuni amododa anjalo emphakathini.”

Lokhu kugcizelelwa ngesinye isizalwane seZimbabwe uMnumnzana Star Ndlovu.

“Umuntu vele utshayelwani, utshayelwani. Umuntu nxa ephambanisile uyahamba emapholiseni umbophise. Uyi example embi you know, nxa lingamadoda enye indoda isenza njalo. No, akukho right ngoba vele umfazi utshayelwani. Yinto okufanele siyibuze uManana yenaleyi ukuthi evele etshayelani.”

Akusikho kwakuqala ukuthi umnumnzana Manana azithole esebhekane lecala lokutshaya owesifazana. Nyakenye umthethwandaba umthole elecala lokutshaya abesifazana ngesikhathi benatha utshwala.

please wait

No media source currently available

0:00 0:02:49 0:00

Facebook Forum

XS
SM
MD
LG