amalinks wokungena

Breaking News

Avamile Amabizo Esintu Akutshiya Ubambe Owangaphansi


Banengi abantwana kwele Zimbabwe abethiwa amabizo amangalisayo awesintwini awenza ukuthi bawalahle nxa sebekhulile.

Esikhathini esinengi amabizo la aphiwa abantu ngenxa yesimo saleyo muli kumbe ubudlelwano obuthize lezihlobo, izitha kanye labangane.

Ingcwethi kwezamasiko esintu lenhlalakahle kazulu zithi manengi amabizo alakho ukusinda abantwana abakhula lawo baze bakhokhobe.

Ezinye ingcwethi kwezamasiko zithi kungcono ukuthi amabizo la aguqulwe ngabanikazi nxa sebekhulili kodwa kulezinye njalo ezithi akumelanga alahlwe njengoba ayabe etshengisa inhlalo kazulu.

Sicele ke uzulu ukuthi asithumezela amabizo kulokhu okuthiwa yiFacebook lapho abantu abahlangana khona ebulenjini baxoxisane ngokutshiyeneyo.

Nanka-ke amanye amabizo esiwatholileyo phakathi kwangaba ngamatshumi amahlanu.

Kasenelisi ukuthi sibhale amanye lapha ngoba ayasinda. Esikutholileyo kutshengisa ukuthi kulabantu okuthiwa ngoSiphilanzima, Sixywayizitha, Zondamthakathi, Mgodoyi, Ndabazakhe, Kadengibona, Siphambeko, Ngangoyise, Sengikhathele, Bathikangithini labo Kwenziwe.

Umlobi olodumo uMnu. Isaac Mpofu uthi esakhula kwakulejaha elalithiwa nguMgodoyi owathi sekhulile waguqula ibizo lakhe waba nguMlahlwa.

Kusenjalo, ingcwethi kwezamasiko esintu uMnu. Peter Zwide KaLanga Khumalo uthi amabizo atshengisa ukuthi abantu bayabe behlezi njani emphakathini njalo kusenzakalani empilweni yabo ngakho-ke akumelanga aguqulwe ngoba kusobala ukuthi ayebe elonda imbali yomdeni.

‚Äč
XS
SM
MD
LG