Udaba lwababili ababengamalunga edale lephalamende asebesuke kubandla labo leMDC Alliance besiya kuZanu PF soluphehle imibono etshiyeneyo kuzulu.
UMnu Blessing Chebundo loNkosikazi Lilian Timveos bamukelwe nguMongameli Emmerson Mnangagwa emahofisini akhe eState House ngoLwesithathu.
UChebundo uthe uthethe isinqumo sokuyangena kuZanu PF ngoba efuna ukuphatheka kunhlelo zokuthuthukisa ilizwe.
UTimveos laye uthe uthethe inyathelo leli ngoba ebona ikusasa lelizwe lisezandleni zebandla leZanu PF.
Kunyanga ezedluleyo omunye owake wamela iMDC Alliance ephalamende uMu Tongai Matutu uphume kulelibandla waya kuZanu PF.
Abanye bathi okwenzakalayo lokhu kungaba kuveza ukuthi ibandla leMDC Alliance liya lilahlekelwa lusekelo.
Kodwa ilunga lelelibandla uMnu Edwin Ndlovu ukulandule lokhu esithi ukuhamba kukaChebundo loTimveos akutsho lutho kuMDC Alliance.
Ilunga leZanu PF uMnu Believe Gaule yena utshele iStudio 7 ukuthi manengi amalunga eMDC Alliance aloyisa ukuza kubandla lakhe.