MDC Alliance: Ayeza Kithi Ngobunengi Amalunga eMDC-T Asehlubukile

Ibandla leMDC Alliance lithi amalunga eMDC-T aqhubeka exexebuka ngobunengi esiza kulo ngoba esola ubudlelwano balelobandla leZanu PF.

Ngeviki edluleyo kubikwa kulabanye abalandeli beMDC-T abahlubuke bayangena kuMDC Alliance besithi umkhokheli wabo uMnu Douglas Mwonzora usesidla lebandla elibusayo.

Umgcinisihlalo weMDC Alliance eMatabelaland North, uMnu Prince Dubeko Sibanda utshele iStudio 7 ukuthi banengi abasazophuma kuMDC-T.

Imizamo yokukhuluma lesikhulumeli seMDC-T uMnu Witness Dube yehlule.

Kodwa sike sambuza ngodaba lolu wathi abaxexebukayo ngabavele bengayisiwo malunga ebandla aqotho. Ngalokho, wathi akubalalisi ngaphandle kwengubo lokho.

Embed share

Ingxoxo loMnu Prince Dubeko Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:16 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala