amalinks wokungena

Breaking News

Kambe Amabandla Aphikisayo Anganqoba Na Kukhetho Oluzayo?


Elections Zim

ngcwethi ezicubungula ezombusazwe zithi kusobala ukuthi ukwehluleka kwamabandla ezombusazwe aphikisayo ukuthi abumbe umanyano owodwa kuzabangela ukuthi ibandla leZANU PF kube yilo elinqobayo kukhetho oluzayo

Ingcwethi ezicubungula ezombusazwe zithi kusobala ukuthi ukwehluleka kwamabandla ezombusazwe aphikisayo ukuthi abumbe umanyano owodwa kuzabangela ukuthi ibandla leZANU PF kube yilo elinqobayo kukhetho oluzayo, njengoba selisuse uMnu. Robert Mugabe embusweni, lincediswa libutho, njalo lathembisa ukulungisa umnotho welizwe.

Ezinye iziphathamandla zomanyano weMDC Alliance ezifana loMnu. Eddie Cross, zithi zifuna umkhokheli walumanyano uMnu. Morgan Tsvangirai adedele isikhundla sakhe komunye njengoba yena eselatshwa. Abanye njalo bakhonona ngendlela izikhundla zokuncintisa ezabiwa ngayo kulumanyano.

Umanyano we People’s Rainbow Coalition, okhokhelwa nguNkosikazi Joyce Mujuru lawo ubikwa uxega ngoba amanye amalunga awo esewutshiyile.

Abanye abakhangelelwe ukuncintisana lebandla leZANU PF nxa bengangenanga kweminye yemanyano le, bagoqela oMnu. Elton Mangoma, Dumiso Dabengwa, lo Nkosana Moyo, abakhokhela amabandla eReformed Democrats of Zimbabwe, ZAPU, le Alliance for People’s Agenda ngokulandelana kwabo.

Kodwa umsekeli wesikhulumi sebandla elikumanyano weMDC Alliance, elePDP, uMnu. Edwin Ndlovu uthi abakwenzayo kuhleliwe.

Ingxoxo LoMnu. Edwin Ndlovu
please wait

No media source currently available

0:00 0:02:14 0:00

Facebook Forum

XS
SM
MD
LG