Amalunga ebandla leMDC abikwa abethunjiwe alokhe esesibhedlela seParktown eHarare lapho ayelatshwa khona ngemva kokutholakala ngoLwesihlanu eBindura elimele njalo ehlukuluzekile.
Amalunga la, ayinkokheli yabatsha kulelibandla, abalisa oNkosazana Joanna Mamombe, Cecilia Chimbiri loNetsai Marova. Abathathu laba bathi bahlukuluzwe ngendlela ezinengi ezigoqela ukutshaywa.
Isikhulumeli salelibandla uMnu. Daniel Molokele wethule umbiko ngoMgqibelo esithi amapholisa ayenqaba ukunika abathathu laba impahla zabo, ezibalisa imota kaNkosazana Mamombe, kanye labomakhalekhukhwini, njalo balakho ukukhweza loludaba emthethwandaba.
Asenelisanga ukukhuluma lamapholisa ngaloludaba.
Sixoxa loMnu. Nkululeko Sibanda, isikhulumeli somkhokheli webandla leMDC uMnu. Nelson Chamisa ukuze sizwe okunengi ngaloludaba.
