amalinks wokungena

Breaking News

MDC Bulawayo Province: Akukho Okuguqukileyo Ngokumiswa Umsebenzi Kuka Kambarami


UMnu. Tinashe Kambarami, umsekeli kaMayor wedolobho lako Bulawayo.

Lokhu kulandela imbiko ethi unobhala jikelele walelibandla uMnu. Douglas Mwonzora uthi izigaba zama provinces azilamandla okuxotsha ilunga esikhundleni lingakahlaliswa ku discliplinary committee.

Ibandla leMovement for Democratic Change kusigaba sakoBulawayo lithi lilokhu lime ngesinqumo salo esokuthi umsekeli kamayor walelidolobho, uMnu. Tinashe Kambarami, kufanele atshiyele ukhansila Mlandu Ncube isikhundla ngoba kwakuvele kungafanelanga asithathe.

Lokhu kulandela imbiko ethi unobhala jikelele walelibandla, uMnu. Douglas Mwonzora, uthi izigaba zama provinces azilamandla okuxotsha ilunga esikhundleni lingakahlaliswa ku-Discliplinary Committee.

Isiphathamandla salelibandla esibona ngeziphathelane lamakhansila, uMnu. Sesil Zvidzai, ulobele isigaba sakoBulawayo incwadi esazisa ngokuthi uMnu. Kambarami atshiye lesi isikhundla. Lokhu kutsho ukuthi uMnu. Kambarami uzasala engukhansila nje kuphela.

Umabhalani wesigaba sakoBulawayo kulelibandla, uNkosazana Sibusisiwe Adams, waselobela uMnu. Kambarami incwadi ekuqaleni kwayonale iviki emazisa ngalokhu.

Umsekeli wesikhulumeli sebandla leMDC koBulawayo uMnu. Edwin Ndlovu uthi isigaba sakoBulawayo salandela esakutshelwa nguMnu. Zvidzai, okungumthetho webandla.

Uthi uMnu. Kambarami engekela ukusuka esikhundleni sokuba ngumsekeli kamayor ngemva kwamalanga ayisikhombisa kusukela ethola incwadi, isigaba sakoBulawayo sizakhweza udaba lolu kuDisciplinary Committee njengokutsho kukaMnu. Mwonzora.

IStudio 7 ayenelisanga ukukhuluma loMnu. Mwonzora ngoba ucingo lwakhe lohlobo lukamakhalekhukhwini lungangeni.

UMayor weVictoria Falls, uMnu. Somvelo Dlamini, owathathelwa inyathelo elifanayo, utshele iStudio 7 ukuthi kakemukeli incwadi emazisa ukuthi usengabuyela esikhundleni sakhe njengalokhu okuphuma kweminye imbiko.

Isikhulumeli seMDC, uMnu. Jacob Mapfume, uthe kasoze afakaze ukuthi uMnu. Dlamini usebuyele esikhundleni yena ukhansila engakatholi incwadi emazisa lokhu ngokusemthethweni.

Abanye abamiswa umsebenzi okwesikhatshana kulelibandla ngamakhansila ambalwa kanye lomayor weChegutu.

UMnu. Ndlovu ugcizelele ukuthi akulakuxabana kulelibandla njalo uMnu. Mwonzora ubekhumbuza nje izigaba zama provinces okufanele zikwenze kumbe zingakwenzi.

"Hayi akulakuxabana ngitsho..sihlabela ingoma-nye besisehlukana kuma verse ukuthi kambe lapha sifika sime njani senze njani."

please wait

No media source currently available

0:00 0:02:31 0:00

Facebook Forum

XS
SM
MD
LG