amalinks wokungena

Breaking News

MDC-N: Amalungiselelo Okhetho LwamaPrimaries Asesemaphethelweni


I-MDC-N ithi banengi abafuna ukuncintisa bemele lelibandla kuzigaba zonke zelizwe, njalo ithi izalandela isisekelo salo sombuso ekuqhubeni lokhu

Icele leMDC elikhokhelwa nguMnu. Welshman Ncube lithi selisemaphethelweni okuhlola incwadi ezivela kulabo abafuna ukuncintisana phakathi kwalelibandla kukhetho lwama Primary Elections oluzadinga ukuthi ngubani ozamela lelibandla kukhetho oluzayo lokudinga amalunga edale lephalamende, ele Senate kanye lama khansili.

Izigaba zonke zolitshumi lambili elizweni sezivumelene ukuthi umkhokheli walelibandla uMnu. Welshman Ncube nguye ozancintisa kukhetho lokudinga umongameli welizwe emele lelibandla.

UMnu. Nhlanhla Dube, isikhulumi salelibandla utshele uSithandekile Mhlanga weStudio 7 ukuthi banengi abantu abafuna ukuncintisa bemele lelibandla ezigabeni zonke zelizwe, njalo ibandla leli lilandela isisekelo salo sombuso i-Constitution ukwenzela ukuthi kungabi lozavuka esithi wephulelwe ilungelo lakhe loba ethi sokwephulwe umthetho ekukhetheni abazancintisa.

please wait

No media source currently available

0:00 0:02:19 0:00
Lapho esitholakala khona
XS
SM
MD
LG