amalinks wokungena

Breaking News

MDC-T: Akusilalisi Ngaphandle Kwengubo Ukuthi Abanye Bayasuka Ebandleni


Joel Gabuza

UMnu. Joel Gabhuza, umsekeli wesikhulumi seMDC-T uthi okwenzakala ebandleni lakhe kuyatholakala empilweni njalo akubahluphi ngoba abanye bayaphuma abanye njalo bengena

Kulandela ukusuka kwamanye amalunga e-MDC-T kulelibandla ngezizatho ezitshiyeneyo, ibandla leli lithi lokhu akutsho ukuthi selichitheka ngoba lilamalunga amanengi, njalo kulabanye abalokhu besiza kulo.

NgenSonto, isiphathamandla salelibandla uNkosikazi Lucia Matibenga ubikwa etshiye lelibandla waya kucele leRenewal Team, elisanda kuqambuka kuMDC-T.

Ngolwesihlanu olwedluleyo, umgcinisihlalo wakoBulawayo kulelibandla uMnu. Gorden Moyo utshiye isikhundla sakhe njalo wachothoza ibandla lakhe ngodlakela kodwa wathi uzaqhubeka elilunga.

Kodwa abanye abaphambuka kulelibandla abazibiza ngokuthi yi Independent Candidates Coalition batshele iStudio 7 ukuthi basakhulumisana leMDC-T ngokubuyela kulelibandla. Laba bagoqela oMnu. Felix Mafa, Sam Sandla Khumalo, kanye loPrince Dube.

Bakhona abanye njalo ezigabeni ezitshiyeneyo zelizwe abathi sebetshiyana lalelibandla kanye labanye ababuyela kulo kumbe abamanyana lalo okwakuqala.

UMnu. Joel Gabhuza, umsekeli wesikhulumi seMDC-T utshele uSithandekile Mhlanga weStudio 7 ukuthi okwenzakala ebandleni lakhe kuyatholakala empilweni njalo akubahluphi ngoba ibandla lakhe lilokhu liqinile.
please wait

No media source currently available

0:00 0:02:30 0:00
Lapho esitholakala khona
XS
SM
MD
LG