amalinks wokungena

Breaking News

MDC-T: I-ZANU PF Esiyehlulekile Ukuvuselela Umnotho Welizwe


Street Vendors
Street Vendors

I-MDC-T ithi inengi labantu emadolobheni agoqela eleHarare, Bulawayo, Gweru, leMutare seliphila ngokuthengisa impahla ezitshiyeneyo ngenxa yokuvalwa kwamankampani lokulahlekelwa yimisebenzi

Ibandla leMDC elikhokhelwa nguMnu. Morgan Tsvangirai lisole kakhulu ibandla leZANU PF ngokwehluleka ukugcwalisa isithembiso sokubumba imisebenzi edlula izigidi ezimbili eyasenza ikhankasela ukhetho olwedluleyo.

Embikweni owethulwe yisikhulumeli salelibandla uMnu. Obert Gutu ngoLwesibili, i-MDC-T ithi inengi labantu emadolobheni agoqela eleHarare, Bulawayo, Gweru, leMutare seliphila ngokuthengisa impahla ezitshiyeneyo-i-vending ngenxa yokuvalwa kwamankampani lokulahlekelwa yimisebenzi.

Uhulumende webandla leZANU PF uhlezi egcizelela ukuthi umnotho uzawuvuselela ngohlelo lwakhe lweZIMASSET njalo kufanele abantu babe lesineke ngoba injongo yaloluhlelo ayisoze ifezeke ngesiphangi-phangi.

Ukuze sizwe okunengi ngaloludaba, uSithandekile Mhlanga weStudio 7 uxoxe lesiphathamandla seMDC-T uKhansila Peter Moyo, yena othi ibandla lakhe selitshengisele eleZANU PF ukuthi liyehluleka ngezenzo ezinjengokungaphatheki kukhetho oluzayo.

Ingxoxo LoKhansila Peter Moyo
please wait

No media source currently available

0:00 0:02:55 0:00
Lapho esitholakala khona

XS
SM
MD
LG