amalinks wokungena

Breaking News

MDC-T: Kuvalwa Amanye Njalo Amankampani Ngenxa Yokusilela Kwamagetsi


Zimbabwe Electricity Supply Authority

Amankampani asanda kuvalwa ngenxa yokusilela kwamagetsi agoqela i-Intermedia Agencies, Valley Technologies, Gauntlet Security, Karina Textiles lamanye

Icele le MDC elikhokhelwa nguMnu. Morgan Tsvangirai lithi ukucitshwa kwamandla amagetsi mahlayana elizweni sekubangele ukuthi amanye njalo amankampani avalwe njalo kuveza ukuthi uhulumende webandla le ZANU PF uyehluleka ukuvuselela umnotho welizwe.

Isiphathamandla esibona ngamandla amagetsi kulelibandla, uMnu. Morgan Komichi wethule umbiko lamuhla ntambama esola ibandla le ZANU PF ngokwehluleka ukuthola amacebo okwengezelela amandla amagetsi ngaphansi kohlelo lweZIMASSET, okwathiwa luzathuthukisa umnotho welizwe.

Kodwa ibandla leZANU PF lithi uhlelo lwe ZIMASSET luzasebenza njalo lithi ukubhidlika komnotho kwabangelwa yizijeziso zenetho ezetheswa ilizwe ngamazwe aphetsheya.

UMnu. Komichi uthi amankampani asanda ukuvalwa ngenxa yokusilela kwamagetsi agoqela i; Intermedia Agencies, Valley Technologies, Gauntlet Security, Stephens Catering, Karina Textiles, Matetsi Water Lodge, DM Cartwright, Central African Shipping Agency, Durawall Company, le Strand Multiprint.

Imbono kaMnu. Komitshi ugcizelelwe ngesinye isiphathamandla salelibandla uSenator Matson Hlalo yena otshele uSithandekile Mhlanga weStudio 7 ukuthi kulesimo esifanayo koBulawayo.

please wait

No media source currently available

0:00 0:02:09 0:00
Lapho esitholakala khona
XS
SM
MD
LG