amalinks wokungena

Breaking News

Phakathi kwe MDC-T le Zanu PF Ngubani Oqamba Amanga Nge Cabinet?


Mnangagwa-Tsvangirai

Phakathi kwe MDC-T le Zanu PF Ngubani Oqamba Amanga Nge Cabinet?

Ibandla leMDC-T lilandula imbiko ethi uMongameli Emmerson Mnangagwa wayefuna ukufaka amalunga ebandla leli ku cabinet kodwa umkokheli, uMnu. Morgan Tsvangirai wayengufuni.

Lokhu kuvezwe ngobekhethwe ukuba ngumphathintambo wezemibiko kodwa wasuswa, uMnu. Chris Mutsvwangwa. Kodwa isikhulumeli sebandla leMDC-T, uMnu. Obert Gutu, uthi la ngamanga aluhlaza tshoko ngoba umnangagwa enze iphutha ngoluhlu lwakhe lwe cabinet yikho esedinga nje kuphela angamethesa icala.

Kutsho uGutu: “Ibandla leMDC-T alisoze lingene kunkulumo zangasese lebandla le Zanu PF. Nxa sifuna ukwenza inkulumo sizasebenzisa indlela eziqondileyo ezifana ledale lephapamende.”

UGutu uthembise ukuba ibandla lakhe kalisoze lithengise ngokubamba lebandla leZanu PF kodwa lizaqhubeka likhankasela ukhetho olukhululekileyo.

Siphinde saxoxe loqoqa inhlelo zebandla, uMnu. Abednico Bhebhe othi bekungeke kwenzakale ukuthi amalunga ebandla lakhe angene kuhulumende weZanu PF.

“Okwakuqala ngizakutsho sobala ukuthi okokuthi umongameli wala angikholwa ngoba mina oku official kimi ke yikuthi akuzange kufike lolo ngxuso olwalumele lufike ebandleni,” kutsho uBhebhe.

UBhebhe usole imbiko ethulwa enkundleni zokuzilibazisa esithi yizo eziphambanisayo.

Ungezelele esithi uhulumende ngowe Zanu PF njalo uzaqhuba injongo ze Zanu PF okungenza ukuthi abafuna ukungena kuhulumende lo bengayisibo beZanu PF bazazithola sebeqhuba inhlelo zalelobandla.

please wait

No media source currently available

0:00 0:05:00 0:00

Ukuhlaziya loludaba sixoxe lengcwethi ecubungula ezombusazwe, uMnu. Cassius Jayz Simana Mpofu saqala ngokumbuza ukuthi ubona kunguban okhuluma iqiniso phakathi kwe MDC-T le Zanu PF?

please wait

No media source currently available

0:00 0:03:00 0:00

Facebook Forum

XS
SM
MD
LG