amalinks wokungena

Breaking News

UMeli Ndlovu Uselungiselela Ukutshova Intshelelezani Esuka eDurban Esiya eZambia


UMeli Ndlovu labanye abatshova amabhayisikili kwele South Africa - Courtesy Photo

UMeli Ndlovu, owatshova intshelelezani esuka eJohannesburg wayafika koBulawayo esenzela ukulimukisa uzulu ngomkhuhlane weCOVID-19, uthi uselungiselela olunye uhambo.

uNdlovu uthi uzabambisana labanye bakhe ekutshoveni intshelelezani besuka eDurban besiya eLusaka kwele Zambia.

Uthi bakhangelele ukuba kuzabe kulabantu abanengi abazamphathisa kuhambo lolu abagoqela abakhengelane lezempilakahle, abathatha imifanekiso, intathelizindaba labanye.

UNdlovu uthi uhambo lolu, olwedlula kancane isilinganiso samakilometer azikulungwane ezimbil (2,100 kilometers) ngolokulimukisa uzulu indlela zokuzivikela kumkhuhlane weCOVID-19.

Uthi uzakwenza uhambo lolu ngesikhathi sekhefu lephasika lonyaka.

Ukhangelelwe njalo ukuthi uzakwenza idili elincane elokuthakazelela usuku lwakhe lokuzalwa.

Lesi sizakuba yisikhatho sokukhuluma labantu ngokutshova intshelelezani.

Uthi bakhona abacabanga ukuthi kunzima ukutshova intshelelezani umuntu esuka kwele South Arica esiya eZimbabwe kumbe kwamanye amazwe.

“Ngizathatha lel’ithuba ngikhulume labantu ngokutshova intshelelezani.”

UNdlovu, odabuka eKezi esabelweni seMatabeleland South, utshova ibhayisikili labanye abantu kwele South Africa.

Usefundisa umdeni wakhe ukugada lokutshova intshelelezani.

Facebook Forum

XS
SM
MD
LG