Mnangagwa: EleZimbabwe Lingenelisa Ukuzidonsela Amandla Amagetsi Eneleyo ngo2023

Umongameli Emmerson Mnangagwa ugqibe uhambo lwakhe lokuhlola imigodi yamalahle eHwange ngoLwesihlanu, lapho abikwa egcizelele ukuthi eleZimbabwe liyenelisa ukuzidonsela amandla amagetsi kulokusebenzisa izigidi lezigidi zamadola liwathenga eSouth Africa leMozambique.

Umongameli Mnangagwa obeseHwange kusukela ngoLwesine, utshele iphephandaba leThe Herald ukuthi kuyadanisa ukuthi amankampani emigodi yamalahle ayehluleka ukudonsa amagetsi ngenxa yengxaki ezitshiyeneyo.

Wengeze wathi uhulumende wakhe uzabona ukuthi azaqhuba kuhle umsebenzi ukwenzela ukuthi amagetsi enele elizweni sokufika umnyaka ka 2023.

Eminye imigodi ayethekeleleyo yi Zambezi Gas and Coal Mine, Dinson Coliery mine, Chaba mine, Western Coal and Energy Company, South Mining Coke Plant, Jinan-Tutu Coke Project leminye eminengi-nengi.

Ukuze sihlaziye loludaba, uSithandekile Mhlanga weStudio 7 uxoxe loMnu. Masimba Kuchera, ingcwethi ecubungula ezomnotho welizwe.

Embed share

Ingxoxo loMnu. Masimba Kuchera

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:14 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala