amalinks wokungena

Breaking News

Mnangagwa: Kuzaphela Ukuswelakala Kwemali Lemisebenzi


mnangagwa

Umongameli Mnangagwa uthi kusobala ukuthi umhlaba uyakhwabitha inhlelo zakhe zokuthuthukisa umnotho welizwe, ukuletha umbuso okhululekileyo, kanye lokuqeda inkohlakalo elizweni.

Umongameli Emmerson Mnangagwa uthi wemukelwa ngezandla zombili ngabafuna ukusungula amabhizimusi elizweni njalo lokhu kukhomba ukuthi uhlupho lokuswelakala kwemali lemisebenzi luzaphela.

Uthi kusobala ukuthi umhlaba uyakhwabitha inhlelo zakhe zokuthuthukisa umnotho welizwe, ukuletha umbuso okhululekileyo, kanye lokuqeda inkohlakalo elizweni. Wengeze wathi izizalwane zeZimbabwe ezihlala kwamanye amazwe sezibuyela ekhaya ngobunengi bazo ngoba seziwabona amathuba asevulekile.

Umongameli Mnangagwa wethule la amazwi ekhasini lebulenjini beFacebook yakhe ngoLwesithathu evela esigodlweni seQatar, eDoha, lapho asayine izivumelwano zokusebenzelana ndawonye lalelolizwe ngendlela yokuthuthukisa umnotho weZimbabwe.

Ekhuluma lezizalwane zeZimbabwe ezihlala eQatar ngoLwesibili, umongameli Mnangagwa uthe kuzakuba lenguquko kumalunga edale lecabinet yakhe ngoba ufuna ukusebenza lalabo abazimisele ukuthuthukisa ilizwe kuphela.

Lokhu kwenzakala lanxa inengi lisithi alikaboni inguquko kwezomnotho elizweni, selokhu umongameli Mnangagwa wathatha intambo zombuso kuMnu. Robert Mugabe kunyanga ezinhlanu ezedluleyo.

Kodwa uMnu. Joseph Tshuma, isiphathamandla sebendla leZANU PF, uthi uvumelana lamazwi kaMnangagwa.

Kusenjalo eleZimbabwe libikwa lisayinelane isivumelwano semali efika phose izigidi ezintathu lelizwe leIndia ngoLwesithathu esokuthuthukisa amabhizimusi amancinyane phansi kohlelo lwe Indo-Zimbabwe Project olwasungulwa ngomnyaka ka 2006.

please wait

No media source currently available

0:00 0:02:29 0:00

Facebook Forum

XS
SM
MD
LG