Umongameli Emmerson Mnangagwa ubikwa esayine isivumelwano sokusebenzelana ndawonye lomunye wakhe oweQatar uMnu. Sheik Tamim bin Hamad al Thani ngoMvulo eDoha lapho anxuswe khona.
Umsakazo weZBC ubika ukuthi isivumelwano lesi, eseMemorandum of Understanding, simumethe indlela amazwe womabili azathuthukisa ngayo umnotho welizwe.
Umongameli Mnangagwa uvakatshele eleQatar okwamalanga amathathu njalo umsekeli wakhe uMnu. Constantino Chiwenga nguye ophethe isikhundla sakhe elizweni.
Ukhatshwe ngumphathintambo kahulumende obona ngezemali uMnu. Patrick Chinamasa, owezokulima uMnu. Perrance Shiri, kanye lobona ngezokwenjiwa kwamatshe aligugu, uMnu. Winston Chitando, labanye. Laba babikwa besithi sebakhe ubudlelwano labanye babo eQatar, ngendlela yokuthuthukisa umnotho weZimbabwe.
Ukuhlaziya ukuthi eleZimbabwe lingatholani kweleQatar, sixoxe loMnu. Rejoice Ngwenya, ingcwethi ecubungula ezomnotho welizwe.
