amalinks wokungena

Breaking News

Mnangagwa: Sizaqhubeka Sisebenzisa Imali Yakwamanye Amazwe


Emmerson Mnangagwa
Emmerson Mnangagwa

Ekhuluma esesigodlweni sakhe eState House ngoMvulo emhlanganweni labosomabhizimusi umongameli Mnangagwa khuthaze iziphathamandla zikahulumende wakhe ukuthi zikhulume ngazwi linye zingethuli imbiko etshiyeneyo ngenhlelo eziqhutshwayo elizweni.

Umongameli Emmerson Mnangagwa uthi ilizwe lizaqhubeka lisebenzisa imali yakwamanye amazwe, amaRTGs kanye lama bond notes, wona athi alesisindo esifanayo ledola leMelika.

Ekhuluma esesigodlweni sakhe eState House ngoMvulo emhlanganweni leziphathamandla zamabhanga lamankampani amakhulu elizweni, umongameli Mnangagwa uxwayise osomabhizimusi ukuthi bengafihli impahla ngabomu besenzela ukuzithengisa ngentengo ephezulu.

Ukhuthaze iziphathamandla zikahulumende wakhe ukuthi zikhulume ngazwi linye zingethuli imbiko etshiyeneyo ngenhlelo zikahulumende.

Uphinde wasola kakhulu ukukhwezwa kwentengo yenhlanyelo yomumbu yena eqonge ngesilinganiso esiphezulu kakhulu.

Kusenjalo, sixoxe loMnu. Thandeko Zinti-Mnkandla, isakhamuzi seGwanda ngokukhuphuka kwentengo yenhlanyelo, kanye lemizamo kahulumende eyokulungisa loludaba.

UMnu. Mnkandla uthi inengi alisoze lenelisa ukuthenga inhlanyelo ngoba lingelamali. Uthi ukulima ngethalakitha sokulengxaki ngoba amafutha awokuyihambisa ayadula njalo ayasilela.

please wait

No media source currently available

0:00 0:02:28 0:00

XS
SM
MD
LG