Umongameli Emmerson Mnangagwa uthi uhulumende wakhe uzavuselela amafekithali, imigwaqo, lokunye, ukwenzela ukuthi athuthukise impilo yomuntu wonke elizweni.
Ekhuluma emhlanganweni we rally yebandla lakhe esikolo seMafungautsi Primary School eGokwe ngoLwesihlanu, umongameli Mnangagwa uthe uzathuthukisa inhlelo zabalimi botshinda kulindawo.
Uphinde wathi isikolo lesi sizanikezwa imitshina yama computer engamatshumi amahlanu, wagcizelela ukuthi abantwana kufanele bafundiswe imbali yabalwela inkululeko yelizwe.
Ukuhlaziya loludaba, sixoxe lesiphathamandla sebandla leZANU PF uMnu. Believe Gaule yena othi kusobala ukuthi umongameli Mnangagwa uzakwenelisa ukugcwalisa izithembiso zakhe ngenxa yomsebenzi asewenzile selokhu wathatha intambo zombuso.
Ngakwelinye icele umkhokheli weMDC Alliance uMnu. Nelson Chamisa uqhube owakhe umhlangano werally eNkabazwe, endaweni ezigoqela iKeara leMataga Business Centre eMberengwa lapho atshele abalandeli bakhe ngokwenzakalayo emkhankasweni walelibandla owokuthi kube lokhetho olukhululekileyo.