Umongameli Emmerson Mnangagwa uthi sokufanele kuqinisiwe imigoqo ye lockdown kanye lenhlelo zokuhlola abantu igcikwane leCoronavirus ngendlela yokwenqabela ukumemetheka kwalo elizweni.
Ekhuluma emhlanganweni we politburo yebandla lakhe leZANU PF eHarare ngoLwesihlanu, umongameli Mnangagwa uthe kuyadanisa ukuthi inani labantu abatholakala belegcikwane leCOVID 19 likhuphuka kokuphela elizweni.
Inengi lisola abangena elizweni ngokungekho emthethweni bevela eSouth Africa ngokumemethekisa igcikwane leli eMatabeleland South, lakwezinye izigaba zeMaNdebeleni.
Ukuze sihlaziye loludaba, sixoxa loMnu. Bekezela Maduma Fuzwayo, olwela ilungelo loluntu oqala ngokuthi mhlawumbe umongameli Mnangagwa uzama ukwenqabela ukutshengisela okuqoqwa ngabantu, ngoba ngabe kudala wakwenza lokhu.