Umongameli Emmerson Mnangagwa uthi uhlelo lokuhlala ezindlini ngendlela yokwenqabela ukumemetheka kwegcikwane leCoronavirus, olwe lockdown, luzaqhubeka, kodwa lube luhlolwa ngemva kwamaviki amabili ukwenzela ukuthi uhulumende abone inyathelo angalithatha.
Esethula umbiko lo ngoMgqibelo, umongameli Mnangagwa uthe amaxuku abantu, afana, labezinkonzweni labemitshado, alokhe engavunyelwa, kukanti lemitshova layo ayisoze ibuyele emigwaqweni, ngaphandle kwaleyo eyenkampani yeZUPCO kanye lamabhasi akhona.
Izikolo zizavulwa ngamahlandla atshiyeneyo, kuqakathekiswa ababhala imihloliso.
Umongameli Mnangagwa uxwayise abantu ukuthi beqhubeke begqoka impahla yokuvala ubuso ama masks, njalo begeze lezandla.
Inani labantu abahlaselwe ligcikwane leCOVID 19 selifike kumatshumi amane lambili 42, elizweni njalo selabulala abane.
Lokhu kwenzakala idolobho lakoBulawayo lisithi abantu bazathola amanzi okwelanga elilodwa kuphela ngeviki, ngenxa yokusilela kwawo, lezinye ingxaki ezithile.
Ukuze sihlaziye loludaba, sixoxe loMnu. Thembelani Dube, isiphathamandla senhlanganiso yeBulawayo Progressive Residents Association, oqala ngokusinika umbono wakhe ngombiko kamongameli Mnangagwa.
