amalinks wokungena

Breaking News

Mnangagwa: Ukutshengisela Ezitaladini Akusoze Kulethe Amavoti


Umongameli Mnangagwa wabele abantu beJotsholo eMatabeleland North inkomo ezedlula inkulungwane phansi kohlelo lweCommand Agriculture namuhla, andubana akhulume labalandeli bakhe emhlanganweni omkhulu owe rally eSomhlolo Stadium eLupane.

Umongameli Mnangagwa wabele abantu beJotsholo eMatabeleland North inkomo ezedlula inkulungwane phansi kohlelo lweCommand Agriculture namuhla, andubana akhulume labalandeli bakhe emhlanganweni omkhulu owe rally eSomhlolo Stadium eLupane.

Ekhuluma emhlanganweni eSomhlolo Stadium umongameli Mnangagwa uthembise abantu inhlelo ezinengi zokuthuthukisa umnotho welizwe ezigoqela ukuphutshisa olweGwayi Shangani Dam oluzalethela iMatabeleland amanzi.

Ehumutshelwa ngumgcinisihlalo weMatabeleland North kubandla leZANU PF uMnu. Richard Moyo, uMnu. Mnangagwa uchothoze abatshengiselayo, esithi akusoze kubalethele amavoti.

Ebonga amazwi kaMongameli Mnangagwa, unobhala webandla leZANU PF uMnu. Obert Mpofu ukhulume ngodaba oluhlupha kakhulu eMatabeleland, olokuqhatshwa kwabantu abavela kwezinye izigaba, kanye lokubhidlizelwa izilimo emasimini zinyamazana.

please wait

No media source currently available

0:00 0:03:53 0:00

Ezinye iziphathamandla zebandla leZANU PFebezikulo umhlangano zigoqela uMnu. Constantino Chiwenga, Sibusiso Moyo, Engelbert Rugeje, Jacob Mudenda, Sithembiso Nyoni, Cain Mathema, labanye.

Ngakwelinye icele, umkhokheli womanyano weMDC Alliance, uMnu. Nelson Chamisa ubelomhlangano ofanayo eMutasa Central lapho athe belokhu belwisa ukuthi inhlanganiso yeZimbabwe Electoral Commission iqhube ukhetho olukhululekileyo.

Facebook Forum

XS
SM
MD
LG