amalinks wokungena

Breaking News

Ilizwe leBotswana Lithembisa Ukulungisela Abantu Bokuza Amaphepha Okusebenza


UMongameli Mokgweetsi Eric Masisi wakwele Botswana.
UMongameli Mokgweetsi Eric Masisi wakwele Botswana.

UMongameli Mokgweetsi Eric Masisi wakwele Botswana useqinise isinqumo sikahulumende wakhe esokuyekethisa imithetho yokuthola amaphepha okuhlala kanye lokusebenza elizweni lelo, kulandela ukukhalaza kwabanengi abokuza, abagoqela abeZimbabwe.

Abakhalazayo bathi bancitshwa la maphepha kwesinye isikhathi kungelasizatho.

Ekhuluma emhlanganweni wabosomabhizimusi, oweNational Business Conference owenzelwe eFrancistown ngoMvulo, uMasisi uthe eleBotswana lizaqhubeka lisenza ukuvula amabhizimusi kube lula.

Lokhu kuza ngesikhathi inengi labokuza likhala ngokuncitshwa amaphepha okuhlala lokusebenza elizweni, ikakhulu ngaphansi kombuso kaMongameli Ian Khama, yena odedele kuMasisi ngoMabasa.

UMasisi uthe uzimisele ukuthi labo okufanele bathole amaphepha okuhlala lokusebenza eBotswana, bawaphiwe, ukuze kuvule amasango wokuthi abamabhizimusi avela phandle kwelizwe bevule kwele Botswana.

"Sisebenza kanzima ukwehlisa isikhathi esithathwayo ukuthi abantu bathole amaphepha okuhlala lokusebenza elizweni, njalo ama VISA azaphiwa emngceleni."

AbeZimbabwe kweleBotswana bajabulile ngokukhulunywe nguMasisi, ngoba abanye kade sebebambeka ngamandla ukuthi basebenze bengelamaphepha kumbe baphindele ekhaya.

UMnu. Mthabisi Dube uthi njengabeZimbabwe bayakwamukela lokhu, ngoba besekunzima, ikakhulu ngaphansi kukahulumende kaKhama, ukuthola amaphepha okusebenza kweleBotswana.

“Linyathela endleleni eqondileyo, ngoba iBotswana ibe isibonakala njengelizwe elingathandi amaforeigners, ngakho kuhle ukuthi labo abafanele ukuthi bathole amaphepha, bawaphiwe."

Kodwa abanye abeZimbabwe bathi noma nje kulinyathela elihle ukuthi eleBotswana linikeze amaphepha okuhlala lokusebenza, okuqakathekileyo yikuthi uhulumende omutsha kaEmmerson Mnangagwa aguqule umnotho, ukuze abantu baphindele ekhaya ukuyasebenza bekhululekile

"Siyakuzwa okukhulunywa ngumongameli weBotswana, kodwa okuqhakathekileyo yikuthi uhulumende wethu ayenelise ukulungisa isimo somnotho, ukuze siyekele ukuba yiziphepheli kwamanye amazwe. Ayisiwo msebenzi kahulumende weBotswana ukuthi agcine izizalwane zeZimbabwe, ngakho sithi akulungiswe ekhaya ukuze siphindele."

Kulabe Zimbabwe abaphose befike inkulungwane ezinthathu (3,000) abalamaphepha okuhlala lokusebenza eBotswana, kodwa kulenkulungwane lenkulungwane ezihlala kulelizwe okungekho emthethweni.

Inengi ngelibalekela ubunzima bomumo womnotho ekhaya, lizodinga imsebenzi eBotswana.

UMongameli Masisi Uzimisele Ukunceda Abantu Bokuza
please wait

No media source currently available

0:00 0:02:06 0:00

XS
SM
MD
LG