amalinks wokungena

Breaking News

Morgan Tsvangirai: Ukhetho Luka 2018 Solutshontshiwe


UMnu. Morgan Tsvangirai lomkakhe, uNkosikazi Elizabeth Tsvangirai, lesikhulumeli sakhe.
UMnu. Morgan Tsvangirai lomkakhe, uNkosikazi Elizabeth Tsvangirai, lesikhulumeli sakhe.

Umkhokheli webandla le MDC-T, uMnu. Morgan Tsvangirai, ngoLwesine utshele intathelizindaba ngomhlangano wedale lebandla lakhe elimqoka ele National Council.

UTsvangirai uphinde njalo wazisa ngohambo lwakhe alwenze elizweni jikelele edinga imbono kazulu. Uthe imbono ayitholileyo iyakha njalo eminye kasoze enelise ukuyiveza kodwa usetshele ibandla lakhe ngayo.

UTsvangirai uphinde waphatha njalo udaba lokhetho esithi umhlahlandlela wokhetho awumanga kahle ngoba kunengi okungaqhutshwa ngemfanelo okubalisa ukuthenga imitshina yokuvotisa okufuna ukwenziwa nguhulumende owathathela umsebenzi lo inhlanganiso ye United Nations Development Fund.

"Kumaviki amabili adluleyo ilizwe lethuswe yimbiko ethi ugatsha lwe ZEC olumele lungathathi hlangothi lwavumela ibandla le Zanu PF ukuthi lithathe uhlelo lokuthenga imitshina ye biometrics voter registration okuzenza ukhetho lungakhululeki," kutsho uTsvangirai.

Wengeze esithi uzulu ubeselethemba lokuthi ukhetho luzakuba lukhululekile ngoba imitshina izathengwa yi-UNDP kodwa akusoze kwenziwe njalo.

UTsvangirai uthe uluhlu lwabavoti lalo aluhlelekanga wakhuthaza ukusetshenziswa kwezithupha njengalokho okwenziwa ngomnyaka ka 1980.

"Ukuthenga amavoti ngokudla kumele kube yikwephula umthetho okukhulu. Sesibone ingatsha zikahulumende ezilobudlelwano lebandla le Zanu PF zisebenzisa irice lempahla ezithathelwe uzulu yi ZIMRA (Zimbabwe Revenue Authority) ekuthengeni amavoti," kutsho uTsvangirai.

Ukuhlaziya loludaba sixoxe lengcwethi ecubungula ezombusazwe, uMnu. Mlamuli Nkomo, endawonye loMnu. Moses Mzila Ndlovu, umkhokheli webandla le Alliance for National Salvation.

XS
SM
MD
LG