amalinks wokungena

Breaking News

Mzila-Ndlovu: Ngangibotshwa Mahlayana Ngisebenza loMugabe kuGNU Ngenxa Yodaba lweGukurahundi


Moses-Mzila-Ndlovu
Moses-Mzila-Ndlovu

UMnu. Moses Mzila Ndlovu, owasebenza lowayengumongameli umufi uMnu. Robert Mugabe kuhulumende womanyano, kusukela ngomnyaka ka2009 kusiya ku 2013, engumphathintambo obona ngezokuxolelana uthi wayebotshwa mahlayana engakhuluma ndodaba lweGukurahundi.

UMnu. Moses Mzila Ndlovu, owasebenza lowayengumongameli uMnu. Robert Mugabe kuhulumende womanyano, kusukela ngomnyaka ka2009 kusiya ku 2013, engumphathintambo obona ngezokuxolelana uthi umufi utshiya ilizwe likhethana ngemihlobo njalo lilobuyanga obukhulu, okuyizehlakalo ezadalwa nguye.

Uhulumende womanyano wabunjwa phakathi kwebandla leZANU PF lecele leMDC elalikhokhelwa nguMnu. Morgan Tsvangirai, kanye lelalikhokhelwa nguMnu. Arthur Mutambara ngemva kokhetho luka 2008, olwalulodlakela.

UMnu. Mzila-Ndlovu, osekhokhela ibandla eliphikisayo eleANSA, uthi wehluleka ukusebenza kuhle kuhulumende womanyano umufi uMnu. Mugabe engumongameli ngoba wayebotshwa mahlayana engazama ukuthi kukhulunywe ngodaba lweGukurahundi.

Uthi kwakuqakathekile ukuthi kukhulunywe ngaloludaba, abantu betsho ukuthi bafuna luphathawe njani ukwenzela ukuthi kubelokuxolelana.

please wait

No media source currently available

0:00 0:03:40 0:00


XS
SM
MD
LG