amalinks wokungena

Breaking News

Mthuli Ncube: Osomabhizimusi Kufanele Bemukele Imali Yama Bond Notes


UMnu. Mthuli Ncube

Umphathintambo kahulumende obona ngezemali uMnu. Mthuli Ncube utshele intathelizindaba eHarare ngoLwesibili ukuthi kufanele osomabhizimusi bemukele imali yama bond notes ebantwini, ngoba isemthethweni, kusaqiniswa imizamo yokuvuselela umnotho welizwe.

Umphathintambo kahulumende obona ngezemali uMnu. Mthuli Ncube utshele intathelizindaba eHarare ngoLwesibili ukuthi kufanele osomabhizimusi bemukele imali yama bond notes ebantwini, ngoba isemthethweni, kusaqiniswa imizamo yokuvuselela umnotho welizwe.

Lokhu kwenzakala lanxa uMnu. Ncube, osanda ukukhethwa ukuthi aphathe lesi isikhundla, wayethe uzaqala ngokumisa ukusetshenziswa kwemali yama bond notes ngoba esithi yiyo ebangela uhlupho lwemali olukhona elizweni. Intengo yempahla iqhubeka iqonda elizweni, ezinye zalezi impahla zisilela, imali iswelakala emabhanga, njalo lamandla emali esiwa.

Ingcwethi ecubungula ezomnotho welizwe uMnu. Bulisani Ncube uthi okungaqeda loluhlupho yikusebenzisa imali yama Rands e South Africa hatshi ukuqhubeka nge bond note.

Isiphathamandla senhlanganiso elwela amalungelo ezakhamizi eye Bulawayo Progressive Residents Association uMnu. Melusi Moyo uthi abantu makhaza yibo abathwele amagabha avuzayo ngohlupho lokuwa komnotho welizwe.

Isikhulumeli sikaMnu. Nelson Chamisa, okhokhela ibandla le MDC uMnu. Nkululeko Sibanda uthi imizamo eyenziwayo ayisoze iphumelele ngoba osomabhizimusi bakwamanye amazwe abamthembi umongameli Mnangagwa , besithi kanqobanga ukhetho olwedluleyo ngendlela ecacileyo.

Esethula umbiko we State of the Nation Address ngoLwesibili, umongameli Mnangagwa uthe uhulumende usethole imali eyizigidi ezingamakhulu amahlanu amadola $500 million, ezakwabelwa osomabhizimusi ngendlela yokubaphathisa.

Facebook Forum

XS
SM
MD
LG