WASHINGTON —
Ibandla leZanu PF lithi likhangelele ukuthi uMnu. Mthuli Ncube, umphathintambo kahulumende wezemali, ngoLwesine uzakwethule ibudget yomnyaka ozayo ethuthukisa ezempilakahle, ezokulima njalo evuselela ubudlelwano belizwe leZimbabwe lamanye amazwe.
Ibandla leli lithi kuqakatheke kakhulu ukuthi uNcube avuselele ezempilakahle ngoba uzulu ogulaya angeke athuthukisa ilizwe.
UNcube uzakwethula uluhluy lokusetshenziswa kwemali yesizwe ngesikhathi umnotho welizwe ubhidlika.
UMnu. Frank Guni, umsekeli webandla leZanu PF, uthi kuzamele uNcube enze izifiso zikazulu.
Abantu abanengi bathi akulalutho oluzaphuma ekwabeleni inhlangothi zikahulumende imali njengoba ilizwe libhekane lohlupho lokuswelakala kwemali.