amalinks wokungena

Breaking News

Amalunga eMRP Amiswa Phambi Komthethwandaba NgoLwesibili


Mthwakazi

Abanye babo balimele kakhulu njalo imifanekiso itshengisa impahla ezigqokwe nguMnu. Brighton Sibanda zilegazi.

Umkhokheli webandla leMthwakazi Republic Party uMnu. Mqondisi Moyo uthi amalunga ebandla lakhe abotshiweyo alokhu evalelwe enkambeni yeBulawayo Central Police Station njalo kukhangelelwe ukuthi amiswe phambi komthethwandaba kamantshi ngoLwesibili ekuseni.

UMnu. Moyo uthi uzibonele ngawakhe ukuthi abanye babo balimele kakhulu. Labo bagoqela oMnu. Khulekani Ndlovu, Thembelani Mpofu, Nkosilathi Ncube, kanye loNkosikazi Sehliselo Ndebel. UMnu.Brighton Sibanda ubonakala kweminye imifanekiso egqoke impahla ezilegazi..

UMoyo uthi lokhu kulandela ukutshaywa kwabo ngabebutho, amapholisa, abatsha bebandla leZANU PF, kanye lamapholisa ohlobo lweCIO.

Wengezelele wathi amapholisa alile isicelo segqwetha elibamelayo, uMnu. Maqhawe Mpofu owe Abammeli Lawyers for Human Rights, esokuthi bayekwelatshwa esibhedlela kuqala.

Abanye njalo ababotshiweyo ngoMnu. Malwande Nyathi, Khethani Ndlovu, Marshal Sibanda loPetros Mkhize.

UMnu. Zenzele Ndebele, olwela amalungelo oluntu uthi kuyadanisa ukubotshwa kwabantu besiwa enkambeni zamasotsha, njalo betshaywa bengakasiwa emthethwandaba.

Uthi uMnu. Mnangagwa kufanele akhulume ngodaba lweGukurahundi ngoba abantu beMatabeleland abasoze balukhohlwe.

Ingxoxo LoMnu. Zenzele Ndebele
please wait

No media source currently available

0:00 0:03:06 0:00

Facebook Forum

XS
SM
MD
LG