amalinks wokungena

Breaking News

Mthwakazi Republic Party: Lisixhase Kumkhankaso Wokutshengisela Ebulenjini Namuhla


Mthwakazi Republic Party

Ibandla leMthwakazi Republic Party selikhuthaze abantu ukuthi belixhase kusukela ngehola lika6 O’clock ekuseni namuhla kusiyafika kusasa, emkhankasweni webulenjini owokuthi amalunga alo kanye lawamanye amabandla aphikisayo, lalwela ilungelo loluntu akhululwe entolongweni.

Amalunga ebandla leli ayisitshiyagalolunye awabotshwa ngenyanga edluleyo alokhe esentolongweni njalo umkhokheli walelibandla uMnu Mqondisi Moyo ubikwa edingwa ngamapholisa.

Betheswa amacala awokubangela udlakela lanxa bewaphika.

Ibandla leli lithi likhalaza ukuthi abantu bedlulisele phambili umbiko othi #FreeMPR9 kuntathelizindaba, iziphathamandla zikahulumende, lakunkundla zonke zokuxhumana ebulenjini njalo bephanyeke lumbiko kumifanekiso yama profile pictures abo kanye lakuma status.

Lokhu kwenzakala amalunga ezombusazwe labalwela ilungelo loluntu besithi bayabotshwa mahlayana elizweni.

Kodwa umphathintambo kahulumende obona ngezemithetho uMnu. Ziyambi Ziyambi usanda ukuphika lokhu edale lephalamende, esithi amapholisa ayabe eqhuba umthetho.

Isikhulumeli salelibandla uMnu. Velile Moyo uthi yiyo indlela abangatshengisela ngayo bengabotshwa.

please wait

No media source currently available

0:00 0:03:22 0:00

Uphinde wathi basaqoqa olunye njalo uhlelo olufanayo bexhasane leZimbabwe Communitsh Party lenhlanganiso ezilwela ilungelo loluntu kweleSouth Africa eziyabe ziqoqwe yiSouth African Communist Party.

Facebook Forum

XS
SM
MD
LG