amalinks wokungena

Breaking News

Amalunga eMthwakazi Republic Party Lawe MDC Alliance Akhala Ngokubotshwa Mahlayana Ngamapholisa


Amalunga eMthwakazi Republic Party ahlabela ngesikhathi bekhuluma lozulu. (Courtesy Photo)

Kuyaxokozela kwele Zimbabwe okubotshwa mahlayana amalunga amabandla aphikisayo, agoqela eleMthwakazi Republic Party elikhokhelwa nguMnu. Mqondisi Moyo, lawebandla leMDC Alliance, elikhokhelwa nguMnu. Nelson Chamisa.

UMnu. Partone Xaba, owebandla leMthwakazi Republic Party, uthoniswa icala abathi kaliqedakali. (Courtesy Photo)
UMnu. Partone Xaba, owebandla leMthwakazi Republic Party, uthoniswa icala abathi kaliqedakali. (Courtesy Photo)

Kusanda kubotshwa ilunga leMRP, okuthiwa latshontsha imali eNtabazinduna ngesikhathi abakubandla leli betshengisela epulazini lomlungu bezama ukuvimba olandela eleZanu PF, okucatshangelwa ukuba wangena ngenkani kuleyondawo.

Abakubandla leMDC Alliance labo bathwaliswe nzima ngamapholisa ababophela ukwenza imihlangano ngesikhathi kumemetheka igciwane leCOVID-19 njalo lokuzama ukungena emihlanganweni eqoqwe yikhomishini yeZimbabwe Electoral Commission.

I-ZEC ithi ibandla leli kalilamvumo yokungena imihlangano eyenzelwa eHarare leziye indawo elizweni.

Ukuze sihlaziye udaba lolu, sixoxe loMnu. Alphous Fuyana, okubandla leMRP, loMnu. Joseph Tshuma, owake wamela iPelandaba Mpopoma edale lephalamende, ekubandla leZanu PF.

UFuyana uthi uhulumende kaMongameli Emmerson Mnangagwa ubopha abamphikisayo evika ngokumemetheka kwegciwane leCOVID-19 lokunye okungacaciyo.

UFuyana oweMthwakazi Republic Party loJoseph Tshuma Okubandla leZanu PF Bakhuluma Ngokuxokozela eZimbabwe
please wait

No media source currently available

0:00 0:05:51 0:00


Facebook Forum

XS
SM
MD
LG