amalinks wokungena

Breaking News

BCC: Amanzi Emtshabezi Asikawasebenzisi


Mtshabezi Dam

Kubikwa kwenziwe inhlolisiso nje yokubona ukuthi uhlelo lolu luyaphumelela na? okubizwa ngokuthi ngama Test Runs athethe ihola elilodwa kuphela

Idolobho lakoBulawayo lithi amanzi awakaqalisi ukumpontshwa edamu leMtshabezi ukuthi asetshenziswe kulelidolobho njengalokhu okutshiwo nguMnu. Sam Siphepha Nkomo, umphathintambo obona ngenhlelo zamanzi.

UNkomo ubikwa esithi uhlelo lolu soluphutshile kulandela ukuxotshwa kwenkampani ye AC Controls ebifuna ukubuyisela lumsebenzi emuva. Indawo yenkampani le isithethwe ngeye Tendon Electircal Engineers eyakoBulawayo.

Kodwa uKhansila Patrick Thaba Moyo, uMayor wedolobho lakoBulawayo uthi okwenziwe ngempalaviki yimihloliso yokubona ukuthi uhlelo lolu luyaphumelela na-ama test runs athethe ihola elilodwa kuphela.

Amanzi lokhu eswelakala kulelidolobo ngoba amadamu amakhulu athenjiweyo ele Upper Ncema le Umzingwane esomile, njalo ele Inyankuni selilandela. Izakhamizi zalelidolobho zivulelwa amanzi okwamalanga amathathu kuphela angeviki.

UKhansila Moyo utshele uSithandekile Mhlanga weStudio 7 ukuthi idolobho leli lizavuma ukuthi amanzi aphuma edamu leMtshabezi asesetshenziswa nxa seliwabona ngamehlo nsuku-zonke.

please wait

No media source currently available

0:00 0:02:05 0:00
Lapho esitholakala khona
XS
SM
MD
LG