amalinks wokungena

Breaking News

Uhlupho Lwamanzi Luyaphikelela KoBulawayo

  • Sithandekile Mhlanga

tap water

UMnu. Sam Siphepha-Nkomo uthi hulumende uzamile ukudonsa amanzi edamu leMtshabezi, lanxa amandla kagetsi esilela.

Umanisipala wako Bulawayo uthi uhlupho lokuswelakala kwamanzi lokhu luqhubekela phambili kulelidolobho ngoba izulu lingananga okweneleyo njalo inhlelo ezikhangelelwe ukuqeda loluhlupho zingakagqitshwa ngokupheleleyo.

UMnu. Amen Mpofu, umsekeli kamayor walelidolobho utshele iStudio 7 ukuthi uhlelo lokwakha idamu lapho okuhlangana imifula u Gwayi loTshangani alukaqalisi njengalokhu okutshiwo nguhulumende. Uhlelo lolu lwandulela olwe Matabeleland Zambezi Water Project olukhangelelwe ukuthi luqede uhlupho lwamanzi koBulawayo.

Ngeviki edluleyo ikhomithi yezakhamizi zakoBulawayo ebona ngenhleo zamanzi koBulawayo ndawonye le khomithi ye Future Water Committee ekamanisipala wedolobho leli, ziye hlolisisa lapho okuhlangana khona umfula uGwayi loTshangane kulandela imbiko kahulumende eyokuthi imali isitholakele eyokwakha lelidamu.

Amakhomithi la agcizelele ukuthi kusobala ukuthi umsebenzi awukaqalisi kulindawo
UMnu. Sam Siphepha Nkomo, umphathintambo wogatsha lukahulumende olubona ngenhlelo zamanzi utshele uSithandekile Mhlanga weStudio 7 ukuthi uhulumende usezamile ukuphathisa ngamanzi kulelidolobho ngokudonsa amanzi edamu leMtshabezi, lanxa amandla kagetsi esilela.

please wait

No media source currently available

0:00 0:02:13 0:00
Lapho esitholakala khona
XS
SM
MD
LG