amalinks wokungena

Breaking News

Mudenda: IMDC-T Kumele Ilungise Okuyihluphayo Yodwa


Jacob Mudenda
Umlawuli wedale lephalamende, uMnu. Jacob Mudenda, wazise ukuba usethethe isinqumo sokuthi angeke axotsha amalunga edale leli awebandla le MDC-T ngenxa yokuthi isisekelo esitsha sombuso welizwe kasimvumeli ukuthi athathe inyathelo lelo.

UMudenda uthethe isinqumo lesi kulandela isicelo esenziwe ngamacele womabili eMDC-T akhokhelwa ngoMnu. Morgan Tsvangirai loMnu. Tendai Biti akade edinga ukuthi kuxotshwe amalunga asekela bobabili.

UMudenda uthe isisekelo sombuso welizwe kasivumeli kanye losomlomo wedale le Senate ukuthi axotshe amalunga edale leli akumabandla atshiyeneyo.

Uthe ukuxotshana kwabalandeli bamabandla kumele kwenziwe yiwo amabandla ezombusazwe hatshi amadale ephalamende.

Uphinde wathi nxa kusenzakala kumele ibandla le MDC-T lifake udaba lolu edale lomthethwandaba.

UBiti wafaka isicelo sokuthi kuxotshwe amalunga edale lephalamende asekela uTsvangirai ngoMabasa kwathi-ke isithunywa sikaTsvangirai uNkosazana Thokozani Khuphe wenza okufanayo ekuqaliseni kwenyanga le.

UBiti labanye bakhe balwisana loTsvangirai abathi useyehlulekile ukukhipha uMongameli Robert Mugabe esikhundleni.

Ngakho-ke bathi kumele axotshwe kubandla. UTsvangirai uthi kayindawo. Abasekela uBiti bajabule okwamagama besizwe isinqumo esethulwe nguMudenda. Isikhulumeli secele likaTsvangirai uMnu. Douglas Mwonzora usithakazelele laye isinqumo lesi.

Sixoxe loMnu. Abednico Bhebhe okhangelane lokwenzakala ezabelweni othi ibandla leli lizahlala liqinile loba nje bengasasebenzi lamanye amalunga edale lephalamende asekelana loBiti.
XS
SM
MD
LG