amalinks wokungena

Breaking News

Mugabe: Ngibuhlungu Kakhulu Ngokuhlamukelwa nguMnangagwa


Ogenqulwe embusweni libutho nyakenye uMnu Robert Mugabe uthi ubuhlungu ngokuhlamukelwa nguMnu Emmerson Mnangagwa njalo uthi akamnanzi njengoMongameli weZimbabwe ngoba engene ngendlela ezingekho emthethweni.

Ekhuluma lentathelizindaba okwakuqala ngemva kokususwa embusweni esendlini yakhe eHarare, uMugabe uthe ufuna ukuhlangana loMnangagwa bekhulumisane ngokukhitshwa kwakhe embusweni.

Intathelizindaba ebezisemhlanganweni kaMugabe lo zigoqela ezomsakazo weSABC, ezeSunday Times yakweleSouth Africa, iTimes of London yaseBhilithane kanye leZimbabwe Independent.

“UMnagagwa yimi engamletha kuhulumende. Ngamhlenga ekufeni futhi ngesikhathi ebotshiwe ngoba babefuna ukumlengisa; kodwa nguye osengihlamukele ngalindlela,” kutsho uMugabe.

UMugabe ukulandule ukuthi abantu abatshengisela ezitaladeni mhlaka18 ngoLwezi nyakenye ngesikhathi ehluthunelwa umbuso besithi kumele ahambe, babegoqela abasekeli beZanu PF.

Uthe abantu laba kwakungabasekeli beMDC kuphela. Ebuzwa ngodaba lweGukurahundi, uMnu Mugabe uthe akulalutho olubi alwenzayo.

Wengeze wathi uhulumende wakhe wayelwisana lamalunga ebandla leZapu ngoba ayegcine izikhali.

UMugabe ubelomkakhe uGrace emhlanganweni lo. Ababili laba babikwa bengamalunga ebandla eliphikisayo eleNational Patriotic Front elikhokhelwa nguMnu Ambrose Mutinhuiri.

UMugabe ukulandule lokhu. Kodwa uthe lelibandla lingaziqoqa kuhle uzalisekela.

Facebook Forum

XS
SM
MD
LG