amalinks wokungena

Breaking News

Abantu Bathi Gwaqa Esililweni Sikamuyi uRobert Mugabe eZvimba


Bavalelisa umuyi uRobert Mugabe ...
Bavalelisa umuyi uRobert Mugabe ...

Bekuthe gwaqa abantu besigabeni seMashonaland West abakade becula bekhumbula iqhawe labo, lanxa bebengabanengi njengalokho obekucatshangelwa.

Isidumbu sowayengumongameli weZimbabwe, uRobert Mugabe, besisendaweni adabuka khona eZvimba lapho umphakathi wakulesoqinti athole ithuba lokumvalelisa, embuthanweni owenzelwe emavinkilini eMurombedzi Growth Point.

Isidumbu sikamuyi eMurombedzi Growth Point
Isidumbu sikamuyi eMurombedzi Growth Point

Bekuthe gwaqa abantu besigabeni seMashonaland West abakade becula bekhumbula iqhawe labo, lanxa bebengabanengi njengalokho obekucatshangelwa.

Umbuthano lo ubungowokulandela umkhuba wesintu wosendo lwamaZezuru abawenza okokucina andubana abekwe uMnu. Mugabe.

Ekhuluma emkhosini lo usibalukhulu wesabelweni se Mashonaland West uNkosikazi Mary Mliswa uthe uMugabe ubatshiyele isizungu esikhulu esizakuba nzima ukugcwaliswa kule indawo.

Indlu kaNkosikazi Bona Mugabe, unina kamuyi uRobert Mugabe.
Indlu kaNkosikazi Bona Mugabe, unina kamuyi uRobert Mugabe.

“Umlimu useyenze intando yakhe. Usethethe iqhawe leZimbabwe, iqhawe leMashonaland West. Angila mazwi amanengi ngibuhlungu,” kugcizelele uNkosazana Mliswa.

Lokhu kusekelwe ngumphathintambo wezemithetho oze emele umongameli Emmerson Mnangagwa uMnu. Ziyambi Ziyambi yena othe umufi uMnu. Mugabe wanceda kakhulu abantu bako Zvimba.

Umfundisi okhulume embuthanweni lo, uMnu Joseph Nyakudya, wazise abakade bekhona ukuba imisebenzi yomufi kumele ibe yisifundo kwabanengi.

Umfundisi webutho okhulume esililweni sikamuyi eMurombedzi Growth Point
Umfundisi webutho okhulume esililweni sikamuyi eMurombedzi Growth Point

“Abanye ungathi bafakwa emlilweni kasathane. Ulolunya olungani yisavunguzane. Ulunya lokuncitsha inja ecela isitshwala.”

Ingcitshi ecubungula ezombusazwe uMnu Pride Mkono usole kakhulu ukuphuza kokungcwatshwa kuka Mnu. Mugabe.

Umbuthano lo ubulenkokheli yomdabu kulumango, egoqela izinduna, osobhuku labantu abadabuka esigabeni seMashonaland West.

Abanye abantu akade besesililweni eMurombedzi Growth Point
Abanye abantu akade besesililweni eMurombedzi Growth Point

NgoMvulo ntambama kulombuthano womthandazo okhokhelwa ngabebandla lenkonzo yeRoma owokuvalelisa umufi emzini wakhe.

Isidumbu sizabuyela eHarare kusasa ukuyalungiswa ukuze silolondolozeke simelele ukwakhiwa kwethuna lapho azabekwa khona okubikwa kungathatha amaviki athile.

UMugabe obhubhele kweleSingapore ekuqaleni kwayona inyanga mhla ka 6 kuyonale inyanga kaMpandula ubikwa ezangcwatshwa lapho okubekwa amaqhawe esizwe eNational Heroes Acre kodwa emkhosini ozakuba ngowomdeni kuphela.

please wait

No media source currently available

0:00 0:03:45 0:00

Kusenjalo, uMnu. Dingumuzi Phuthi oyisiphathamandla sebandla leZANU PF uthi abanye esigabeni sakhe bakhumbula uMugabe ngesehlakalo seGukurahundi kodwa abanye bamkhumbula ngezenzo ezathuthukisa ilizwe.

UMnu. Phuthi uthi okuhle yikuthi uMongameli Emmerson Mnangagwa uzama ukulungisa loludaba ngokuthi kuxoxwe ngalo kuNational Peace and Reconciliation Commission.

please wait

No media source currently available

0:00 0:02:44 0:00


XS
SM
MD
LG