amalinks wokungena

Breaking News

UMongameli Mugabe Ucothoza Abamanye Amazwe Embuthanweni weDefence Forces Day


UMongameli Robert Mugabe uthathe ithuba lokuthuka amazwe angentshonalanga embuthanweni wokunanza imisebenzi yebutho ele Defence Forces Day.
UMugabe uthi ukwetheswa kwelizwe izijeziso zenotho ngamazwe asentshonalanga kwakujonge ukuhuga uzulu ukuba evukele uhulumende.


UMongameli Mugabe utsho lokhu kumbuthano wokunanza ilanga labakwezomvikela ezimbabwe ele Defence Forces Day e Harare lamhlanje ethi imizamo le aisaphumelelanga.

UMugabe uthi abantu abavela emazweni lokhe bephatheka emizameni yokuphazamisa inotho ngokufuna ukujwamula izidalwa bezama lokuhuga i Kimberly Process kundlela ele Zimbabwe elingathengisa ngalo amadaimani alo ngaphandle kwelizwe ethi ibutho kumele livikele ukwebiwa kwenotho enje. Kubika intathelizindaba yeStudio 7 uMark Peter Nthambe eseHarare.

Ukuhlaziya loludaba uChris Gande weStudio 7 uxoxe lengcwethi ecubungula ezombusazwe, uMnu. Effie dlela Ncube othi bekukunengi okwakha isizwe obekukangakhulunywa nguMongameli Mugabe hatshi ukucothoza lokuthuka abanye.
XS
SM
MD
LG