amalinks wokungena

Breaking News

I-ZUJ Isola Intathelizindaba ZeNigeria Ngendlela Eziphethe Ngayo Umongameli Mugabe


Zimbabwean President Robert Mugabe

Zibonakala emfanekisweni wevideo zimemeza zimbuza ngempilakahle yakhe lokuthi uzatshiya nini isikhundla sokuba ngumongameli.

Inhlanganiso ebona ngamalungelo entathelizindaba eyeZimbabwe Union of Journalists-ZUJ ithi intathelizindaba zeNigeria zitshengisele ukungahloniphi umongameli Robert Mugabe ngempelaviki, lapho ezibonakala emfanekisweni wevideo zimemeza zimbuza ukuthi uzatshiya nini isikhundla sokuba ngumongameli.

Umfanekiso lo, osobukwe ebulenjini ngabantu abanengi amazweni atshiyeneyo, utshengisa intathelizindaba okuthiwa zivela emsakazweni weTV Channel Sahara eNigeria, zimemeza zitshela umongameli Mugabe ukuthi akulambuso okhululekileyo eZimbabwe njengalokhu okwenzakala eNigeria.

Eyinye yalezintathelizindaba itshengiswe ikhangelisisa umongameli Mugabe njalo imbuza ukuthi kaguli yini njengoba eseluphele.

Inengi lemukele ngembono etshiyeneyo umfanekiso lo, abanye besithi ngempela utshengisa ukungahloniphi ngoba intathelizindaba sezivele zathatha uhlangothi, abanye njalo besithi intathelizindaba lezi zibuza ummbuzo osemilonyeni yabanengi.

Umongameli Mugabe ubenxuswe emkhosini wokugcotshwa kukamongameli Muhammadu Buharu, osanda ukukhethwa ukuba ngumongameli weNigeria.

Unobhala jikelele weZUJ, uMnu. Foster Dongozi, utshele uSithandekile Mhlanga weStudio 7 ukuthi bekufanele intathelizindaba zimhloniphe umongameli Mugabe njengomkhokheli welizwe kanye lezwekazi leAfrica.

please wait
Embed

No media source currently available

0:00 0:02:09 0:00
Lapho esitholakala khona

XS
SM
MD
LG