amalinks wokungena

Breaking News

Ndiweni: Abangihlaseleyo Bangiwisele Phansi Bangidabulela Izembatho


UMnu. Felix Nhlanhlayamangwe Ndiweni

UMnu. Ndiweni uthi usekhweze emapholiseni udaba lokuhlaselwa kwakhe ngoLwesithathu ngabantu abathe basebenza ewofisini kamongameli welizwe abathe bazamthathela imota ayiphiwa nguhulumende.

Induna yeNtabazinduna uMnu. Felix Nhlanhlayamangwe Ndiweni uthi usekhweze emapholiseni udaba lokuhlaselwa kwakhe ngoLwesithathu ngabantu abathe basebenza ewofisini kamongameli welizwe njalo bazomthathela imota ayiphiwa nguhulumende.

UMnu. Ndiweni uthi abantu laba bamfuqile, bamwisela phansi, bamtshayelela emoteni, bagiqika laye bezama ukumthathela amakhiye emota, njalo udatshukelwe yimpahla abeyigqokile.

Uthi kulabanye abazame ukumlamulela kodwa kwehlula, wasephunyuka wathatha isigubhu samafutha ezimota awephethulo wawafafaza esithi uzayitshisa okubangele ukuthi abantu bebaleke.

Wengeze wathi uthethe lelithuba ukweqela emoteni yakhe wasuka ngesiqubu esikhulu njalo abamhlaseleyo bamxotshanise ezitaladani, bezama ukuvimba imota yakhe, waze wabatshiya.

Asenelisanga ukukhuluma labahlasele uMnu. Ndiweni ngaloludaba. Kodwa iziphathamandla zikahulumende ezigoqela uMnu. Victor Matemadanda kanye loMnu. Nick Mangwana zisanda ukuchothoza uMnu. Ndiweni zisithi ubikwa wathi eleZimbabwe kufanele lengezelelwe izijeziso zenotho elazetheswa ngeleMelika.

Asizweni uMnu. Ndiweni echasisa okumehleleyo.

please wait

No media source currently available

0:00 0:03:12 0:00

Facebook Forum

XS
SM
MD
LG