amalinks wokungena

Breaking News

Nelson Chamisa eseDete: Ngizaya Emzini kaThokozani Khuphe Sikhulumisane


Umhlangano weMDC Alliance e Cross Dete

Umkhokheli webandla leMDC-T, uMnu. Nelson Chamisa wenze umbuthano werally eCross Dete lapho athe kusasa uzakuya emuzini kaNkosazana Thokozani Khuphe ukuyakhulumisana laye.

UChamisa lenye inkokheli yomanyano we MDC Alliance, ebalisa uMnu. Welshman Ncube, Tendai Biti labanye abatshele uzulu ukuthi bengavotela lumnayano kuzakuba lombuso oqotho ozaphakamisa impilo yabo.

Kusenzakala lokhu uNkosazana Thokozani Khuphe, ozithi nguye umkhokheli weMDC-T laye ubelomhlangano enkayi lapho alandule ukuthi wake wathi kamfuni owayengumongameli webandla leMDC-T, umuyi uMnu. Morgan Tsvangirai.

Umsekeli kaMongameli we MDC-T, uNkosazana Thokozani Khuphe ese Nkayi
Umsekeli kaMongameli we MDC-T, uNkosazana Thokozani Khuphe ese Nkayi

Sixoxe lesiphathamandla se MDC-T esigabeni se Victoria Falls, uMnu. Ephias Mambume ukuze sizwe okwenzakale emhlanganweni we Cross Dete.

“Umhlangano uhambe kuhle bekulabantu abanengi abangabanjwanga ngamandla ukuthi babuye abazisukumeleyo ngenhliziyo yabo etshisekayo ukuthi bona bathanda ibandla labo,” kutsho uMambume.

UMambume uthi uChamisa ukhulume ngodaba lokubandlululwa kwesigaba seMatabaleland esilenotho enengi ebalisa umgodi we Kamativi lempophoma ze Victoria Falls kodwa akutshengiseli ngoba umnotho uyahuquluzwa.

“Ama resources angasukumisa isigaba lesi kodwa ngenxa yokuthi uMugabe lomnawake uMnangagwa ngoba abantu laba ngabantu abafanayo kabahloniphi abantu besigaba seMatabaleland,” kutsho uMambume.

Uthi ukuphatha udaba lokudonselana amandla okwenziwe ngu Chamisa kutshengisele ukuthi ulokukhalipha “njengoMnu. Morgan Tsvangirai.”

Uthi oNkosazana Thokozani Khuphe bebephiwe amalanga ayisikhombisa ukuthi babuyele kubandla kodwa abenza lokhu.

“Ngenxa yokuthi ngisesigabeni seMatabaleland ngizathatha lelithuba ngiyefika emzini wakhe kusasa ngithi qoki asikhulumelane ngoba udaba lolu esilalo asilo lwezikhundla,” kutsho uMambume.

please wait

No media source currently available

0:00 0:02:02 0:00

Facebook Forum

XS
SM
MD
LG