amalinks wokungena

Breaking News

UNelson Chamisa Ubumba Ibandla Elitsha Okuthiwa yiCitizens Coalition for Change


uMnu. Nelson Chamisa usebumbe ibandla elitsha. (Courtesy Image)

UNelson Chamisa usebumbe ibandla elitsha okuthiwa yiCitizens Coalition for Change (CCC) kulandela ukuxokozela kumacele wonke aweMDC, ikakhulu iMDC Alliance.

Ekhuluma lentathelizindaba eHarare, uChamisa uthe ibandla leli lizakuba lombala olithanga - yellow.

UChamisa uthe sebesehlukana lebandla leMDC Alliance okugoqela imbala yalo yonke..

Isikhulumeli sebandla leli, uMnu. Ostallos Siziba, uthe ibandla leli lizabona ukuba ibizo leli laziwa ngumuntu wonke kumalanga alandelayo.

“Kulelilizwe kumele kube lenguqulo. Kumele sibuye ndawonye ukuze kube le nguquko. Lizabona ama flier, ama poster, ku Facebook laku internet sikhuluma ngodaba lolu.”

Ingcitshi kwezombusazwe, uMnu Ashley Pfunye, uthi ibandla leli lenze kuhle ngoba bebzathathelwa ibizo ngu Douglas Mwonzora owaphiwa imvumo lidale le Supreme Court.

“Ibizo leli belimelelwe ngu zulu we Zimbabwe lihlanganisa abantu. Kutsho ukuthi abantu kumele babambane ngoba abantu sebephazamisekile kakhulu.”

UChamisa uthe ibandla lakhe lizanqoba ngo 2023 njalo lizabona ukuba I ZANU PF ayiqili ukhetho.

Ibandla le MDC Alliance ebe likhokhelwa ngu Chamisa lathathelwa ibizo libandla lika Mnu Douglas Mwonzora yena owaphiwa imvumo lidale le Supreme Court ukwenza njalo.

Facebook Forum

XS
SM
MD
LG