amalinks wokungena

Breaking News

Iqula Likahulumende EliseMelika Lithi Lisebenza Gadalala Ukuthuthukisa Umnotho Welizwe


URetired Major General Sibusiso Moyo uthi basebenza kakhulu ukwenzela ukuthi osomabhizimusi. (S. Mhofu/VOA)
URetired Major General Sibusiso Moyo uthi basebenza kakhulu ukwenzela ukuthi osomabhizimusi. (S. Mhofu/VOA)

UMnu. Moyo ukhokhela iqula leziphathamandla zikahulumende ezigoqela umphathintambo wogatsha olubona ngenhlelo zemali uMnu. Patrick Chinamasa kanye losibakhulu webhanga elikhulu lesizwe eleReserve Bank, uMnu. John Mangudya.

Umphathintambo kahulumende obona ngobudlelwano lamanye amazwe uMnu. Sibusiso Moyo uthi uhulumende kaMongameli Emmerson Mnangagwa uselethe inguquko emqoka kwezomnotho selokhu umongameli Robert Mugabe wasuka embusweni.

UMnu. Moyo, ubekhuluma kumabonakude weBloomberg khonapha eMelika, njalo unike umzekeliso womthetho we Indegenization, ukuthi usuguquliwe, ngendlela yokuhuga osomabhizimusi.

UMnu. Moyo ukhokhela iqula leziphathamandla zikahulumende ezigoqela umphathintambo wogatsha olubona ngenhlelo zemali uMnu. Patrick Chinamasa kanye losibakhulu webhanga elikhulu lelizwe eleReserve Bank, uMnu. John Mangudya.

Ebuzisiswa ngesiphathamandla sikahulumende uMnu, Jonathan Moyo owabaleka elizweni ngomnyaka odluleyo, uMnu. Moyo uthe wazibalekela kaxotshwanga ngumuntu.

Ekhuluma emhlanganweni ofanayo uMnu. Mangudya uthe uhlupho lwemali luzakuba nganeno osomabhizimusi bakwamanye amazwe bengasungula umsebenzi eZimbabwe.

Iqula leli likhangelelwe ukukhulumisana leziphathamandla zikahulumende weMelika kanye lezinye inhlanganiso lingakayi emhlanganweni weCommonwealth osaqhubeka eNgilandi, lapho eleZimbabwe elinxuswe khona.

Kodwa ingcwethi ecubungula ezombusazwe uMnu. Dumaphi Mema uthi kunengi okufanele uhulumende kaMnu. Mnangagwa akuguqule ukuze abantu bamthembe.

Ingxoxo loMnu. Dumaphi Mema
please wait

No media source currently available

0:00 0:02:22 0:00

XS
SM
MD
LG