Umphathintambo wogatsha lwezisebenzi uMnu. Eliphas Mukonoweshuro uthi uhulumende kakakhuphuli iholo lezisebenzi njengalokho okubikwe yilabo abakhulumisana ngeholo lezisebenzi abe Joint Negotiating Council.
UMukonoweshuro uthi kungamanga ukuthi uhulumende sekhuphule iholo okuzenza ukuthi isisebenzi esihola imali ephansi sithole amakhulu edlula amatshumi amabili amadola eMelika.
Uthi izisebenzi zikahulumende kumele zimelele iziqondiso zogatsha lwakhe ngemali eziyifunayo.
Kodwa-ke umqondisi we Zimbabwe Teachers Association uMnu. Sifiso Nndlovu uthi okubikwe yi Joint Negotiating Council kumele kulandelwe nguhulumende.
