amalinks wokungena

Ngemva Kweminyaka Engu-37 Sizibusa Umnotho weZimbabwe Ubhidlizwe Yini?

  • Chris Gande

UMongameli Robert Mugabe sowabusa ele Zimbabwe okweminyaka engamatshumi amathathu lasikhombisa - 37.

Ele Zimbabwe lifikise iminyaka engamatshumi amathathu lasikhombisa lizibusa umnotho welizwe umi nganxele kungela sibonelo sesisombululo.

Ngomnyaka ka 1980 idola leZimbabwe lalilesisindo esilingana lesedola leMelika. Kodwa kwathi kusiyafika iminyaka yabo 2000, isisindo sedola le Zimbabwe sehla okumangalisayo.

Kanti kungaba kwabengelwa yini lokhu? Sibuze ingcwethi ecubungula ezombusazwe, uMnu. Nkululeko Sibanda.

Ingcwethi kwezomnotho, uMnu. Masimba Kuchera, uvumelana loSibanda. Uthi isimanga yikuthi ilizwe likhokhelwa ngumongameli ofunde okwedlula bonke omangameli emhlabeni jikelele.

Ukusilela kwemali emabhanga osekubangele ukuthi uhulumende athi abazali bengabhadala ngembuzi lezinye izifuyo sokutshiye ingcwethi ezinengi zizibuza ukuthi umnotho welizwe ususiya ngaphi.

Ingcwethi ecubungula ezombusazwe, uMnu. Rejoice Ngwenya, uthi okwenza umnotho welizwe uye ngangxele yikuthi uhulumende ubewusebenzisa ngendlela ezingayisizo edinga usekelo kwezombusazwe.

Phambilini kokhetho luka 2013, ibandla le Zanu PF lethula uhlelo oluthiwa yi ZIMASSET olwalukhangelelwe ukuthi luzadala imisebenzi engaba yizigidi ezimbili - 2million - kodwa ngemva kweminyaka emine abantu abanengi kabala misebenzi njalo lamafekithali avala okungapheliyo ngenxa yokugugudeka komnotho weZimbabwe.

Facebook Forum

XS
SM
MD
LG