WASHINGTON DC —
Umtshutshisi ekuthethweni kwecala lika Oscar Pistorius intshanthu yokugijima yakwele South Africa kodwa ingela nyawo, elokubulala intombi yakhe, u Reeva Steenkamp uMnu. Gerry Nel utshuke wamtshuka ngembuzo waze wamtshela lokuthi ulamanga okubangele ukuba umahluli, uJudge Thokozile Masipa amkhuze esithi usedlulisa amalawulo.
U-Nel ubebuze u Pistorius ukuba uyakholwa na akukhulumayo ngoba kungela ngqondo ukuthi umuntu angavuka engutsheni angazi ukuthi umuntu alele laye ukhona kumbe hatshi. Indlela akade ebuza ngayo ibitshengisa mgceke ukuthi ufuna ukutshengisa umthethwandaba ukuthi ubufakazi buka Pistorius abula qiniso njalo abathembakalanga.
UPistorius wetheswa icala lokubulala uSteenkamp ngokumbdubula esesambuzini yena athi ubemcabangela ukuthi lisela ebe liqhekezile emzini wakhe.
Umtshutshisi yena uthi uPistorius udubule intombi yakhe ngabombo ngemva kokuba bexabene bathethisana okuzwakale lakubomakhelwane.
Kanengi nengi uPistorius ubephendula ekhala okuze kwacina kubangela ukuthi umahluli alaye ukuthi umthethwandaba uhlabe ikhefu kancane ukuze azibuthe enelise ukuqhubeka. Ngaphambilini umtshutshisi uNel ubeke wamchothoza uPistorius esithi uvika imbuzo enzima ngokukhala.
UPistorius uzaqhubeka ngobufakazi bakhe ngoMvulo.
U-Nel ubebuze u Pistorius ukuba uyakholwa na akukhulumayo ngoba kungela ngqondo ukuthi umuntu angavuka engutsheni angazi ukuthi umuntu alele laye ukhona kumbe hatshi. Indlela akade ebuza ngayo ibitshengisa mgceke ukuthi ufuna ukutshengisa umthethwandaba ukuthi ubufakazi buka Pistorius abula qiniso njalo abathembakalanga.
UPistorius wetheswa icala lokubulala uSteenkamp ngokumbdubula esesambuzini yena athi ubemcabangela ukuthi lisela ebe liqhekezile emzini wakhe.
Umtshutshisi yena uthi uPistorius udubule intombi yakhe ngabombo ngemva kokuba bexabene bathethisana okuzwakale lakubomakhelwane.
Kanengi nengi uPistorius ubephendula ekhala okuze kwacina kubangela ukuthi umahluli alaye ukuthi umthethwandaba uhlabe ikhefu kancane ukuze azibuthe enelise ukuqhubeka. Ngaphambilini umtshutshisi uNel ubeke wamchothoza uPistorius esithi uvika imbuzo enzima ngokukhala.
UPistorius uzaqhubeka ngobufakazi bakhe ngoMvulo.